चाकण येथे तोतया पोलिसास ठोकल्या बेड्या

याबाबत पोलिसांनी दिलेली माहिती अशी की, पुणे - नाशिक राष्ट्रीय महामार्गावरील चाकण लगत मेदनकरवाडी हद्दीतील आळंदी फाटा येथे येणाऱ्या जाणाऱ्या वाहनचालकांना अडवून त्यांच्याकडे गाडीची कागदपत्रे आणि परवान्याची मागणी खासगी कपडे घातलेली एक व्यक्ती करत होता, असे येथील लखन गवते यांच्या निदर्शनास आले. त्यांना संबंधित व्यक्तीचा संशय आल्याने त्यांनी स्पायसर चौकातील ट्रॅफिक वार्डन विकास चव्हाण यांना सांगितले. चव्हाण आणि गवते यांनी संबंधित पोलिसाकडे चौकशी केली असता त्याने सांगितले की, मी नाशिकचा असून, पीएसआय आहे. त्याच्याकडील ओळख पत्रावर आडे सतीश के, महाराष्ट्र पोलीस अकॅडमी, नाशिक, आय. डी. कार्ड नंबर ०८७८ असे दिसून आले. मागील बाजूस एक मोबाईल नंबर दिसून आला. याची खात्री करण्यासाठी चाकण पोलीस ठाण्यात त्याला नेल्यावर त्याने आपले खरे नाव सुनील तुळशीराम जाधव असल्याचे सांगितले. त्यास अटक करण्यात आली आहे.