चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांद्याची आवक घटल्याने भावात मोठी वाढ झाली. तळेगाव बटाट्याची आवक वाढूनही बाजारभाव स्थिर राहिले. भुईमूग शेंगांची आवक वाढूनही भाव स्थिर राहिले. मोठ्या लसणाची आवक कमी होऊनही भाव स्थिर राहिले. गाजर व वाटण्याची प्रचंड आवक कमी होऊनही भाव घसरले.
कोबी,फ्लॉवर,टोमॅटो,वांगी,भेंडी,कारली,काकडी,दुधी भोपळा दोडक्याच्या आवक वाढूनही बाजारभाव स्थिर राहिले.पालेभाज्यांच्या बाजारात मेथी,कोथिंबीर,शेपू भाजीची आवक वाढले मात्र भाव स्थिर राहिले. जनावरांच्या बाजारात जर्शी गाय, बैल, म्हैशी व शेळ्यामेंढ्यांच्या संख्येत वाढ झाली असून एकूण उलाढाल ४ कोटी २५ लाख रुपये झाली.
चाकण येथील बाजारात कांद्याची एकूण आवक ३५०० क्विंटल झाली. गेल्या शनिवारच्या तुलनेत ही आवक ७५९ क्विंटलने घटल्याने कांद्याचे भावात ७०० रुपयांची मोठी वाढ झाली.तळेगाव बटाट्याची एकूण आवक ९०० क्विंटल झाली.गेल्या शनिवारच्या तुलनेत ही आवक १०० क्विंटलने वाढूनही बाजारभाव स्थिर राहिले. बटाट्याचा कमाल भाव १,४०० रुपयांवर स्थिरावला.लसणाची एकूण आवक २० क्विंटल झाली.मागील आठवड्याच्या तुलनेत २ क्विंटलने वाढ होऊनही बाजारभावात १,००० रुपयांवर स्थिरावले. भुईमूग शेंगांची २० क्विंटल आवक झाल्याने भाव ७,५०० पोहोचले.
चाकण बाजारात हिरव्या मिरचीची एकूण आवक १९० क्विंटल झाली. हिरव्या मिरचीला २,००० ते ३,००० रुपये असा भाव मिळाला.
शेतीमालाची एकूण आवक व बाजारभाव पुढील प्रमाणे –
कांदा - एकूण आवक - ३५०० क्विंटल. भाव क्रमांक १. ४,००० रुपये, भाव क्रमांक २. ३,५०० रुपये, भाव क्रमांक ३. ३,००० रुपये.
बटाटा - एकूण आवक - ९०० क्विंटल. भाव क्रमांक १. १,४०० रुपये, भाव क्रमांक २. १,२०० रुपये, भाव क्रमांक ३. १,००० रुपये.
फळभाज्या
चाकण येथील फळभाज्यांच्या बाजारात एकूण आवक डागांमध्ये व प्रती दहा किलोंसाठी डागांना मिळालेले भाव पुढील प्रमाणे -
टोमॅटो - ५८ पेट्या ( ४०० ते ८०० रु. ), कोबी - ८४ पोती ( ३०० ते ३०० रु. ), फ्लॉवर - ८७ पोती ( ५०० ते १,००० रु.),वांगी - २८ पोती ( १,५०० ते २,५०० रु.). भेंडी - ३३ पोती ( ३,००० ते ४,००० रु.),दोडका - २६ पोती ( ३,००० ते ४,००० रु.). कारली - २९ डाग ( २,००० ते ३,००० रु.). दुधीभोपळा - १८ पोती ( ५०० ते १,५०० रु.),काकडी - २५ पोती ( १,५०० ते २,५०० रु.). फरशी १३ - पोती ( १,००० ते २,००० रु.). वालवड - १४ पोती ( २,००० ते ४,००० रु.). गवार - १२ पोती ( ४,५०० ते ६,५०० रु..), ढोबळी मिरची - ३२ डाग ( १,००० ते २,००० रु.). चवळी - ९ पोती ( १,०००) ते २,००० रुपये ), वाटाणा - ५७५ पोती ( १,८०० ते २,२०० रुपये ), शेवगा - ८ पोती ( ३,००० ते ५,००० रुपये ), गाजर - १५५ पोती ( १,००० ते १,६०० रु.).
पालेभाज्या
राजगुरूनगर येथील पालेभाज्यांच्या मुख्य बाजारात मेथीची ६० हजार जुड्यांची आवक होऊन मेथीला २५१ ते १,२५० रुपये प्रतिशेकडा जुड्यांना भाव मिळाला. कोथिंबिरीची ७५ हजार जुड्यांची आवक होऊन प्रतिशेकडा जुड्यांना ५०० ते १,७०० रुपये एवढा भाव मिळाला.शेपूची ५ हजार जुड्यांची आवक होऊन प्रतिशेकडा १०० ते १,५०० रुपये भाव मिळाला.पालकची काहीही आवक झाली नाही.
चाकण येथील पालेभाज्यांच्या मुख्य बाजारात पालेभाज्यांची एकूण आवक जुड्यांमध्ये व प्रतिशेकडा जुड्यांना मिळालेले भाव पुढील प्रमाणे -
मेथी - एकूण २७ हजार ९५० जुड्या ( ४०० ते ८०० रुपये ), कोथिंबीर - एकूण २८ हजार ५४० जुड्या ( ४०० ते ८०० रुपये ), शेपू - एकूण ६ हजार ५३० जुड्या ( ४०० ते ६०० रुपये ), पालक - एकूण ३ हजार ४५० जुड्या ( ३०० ते ५४४ रुपये ).
जनावरे
चाकण येथील जनावरांच्या बाजारात विक्रीसाठी आलेल्या १०५ जर्शी गाईंपैकी ६३ गाईची विक्री झाली. ( १०,००० ते ४,०००० रुपये ), १८२ बैलांपैकी १४८ बैलांची विक्री झाली.( १०,००० ते ३,०००० रुपये ), १८५ म्हशींपैकी १४८ म्हशींची विक्री झाली. ( १०,००० ते ६,०००० रुपये ), शेळ्या - मेंढ्यांच्या बाजारात विक्रीसाठी आलेल्या १०,४६० शेळ्या - मेंढ्यापैकी ९,५४५ मेंढ्यांची विक्री होऊन त्यांना १,५०० ते १२,००० रुपये इतका भाव मिळाला.
०७ चाकण
चाकण बाजारात हिरव्या मिरचीचा लिलाव.