इंदापूर तालुका राष्ट्रवादी युवक काँग्रेस अध्यक्ष अ‍ॅड. शुभम निंबाळकर यांच्या नेतृत्वाखाली कार्यकर्ते एकत्र आले होते. या वेळी कार्यकर्त्यांनी पाण्यासाठी घोषणाबाजी करत निषेध व्यक्त केला. तसेच राज्यमंत्री दत्तात्रय भरणे यांच्या समर्थनार्थ घोषणाबाजी केली. या वेळी सोलापूर जिल्ह्यातील नेत्यांच्या विरोधात घोषणाबाजी करण्यात आली. या वेळी काकासाहेब जाधव, ओंकार जामदार, गणेश माने, मयूर जामदार, सुरज कदम, दादा यादव, कल्याण जामदार, जावेद मुलानी, धीरज निंबाळकर उपस्थित होते.
या वेळी इंदापूर तालुक्यातील विरोधकांनी स्वत:च्या स्वार्थी राजकारणासाठी सोलापूर तालुक्यातील नेत्यांमध्ये व जनतेमध्ये संभ्रम निर्माण केला. इंदापूरचे पाणी योजना होऊ नये यासाठी प्रयत्न केले. त्यामुळे ही दुर्दैवी वेळ इंदापूर तालुक्याचा शेतकरी वर्गावर आली आहे. म्हणून आम्ही त्या लोकांचा जाहीर निषेध करतो. आगामी काळामध्ये पाण्यासाठी संघर्ष आम्ही करणार असल्याचे अ‍ॅड. निंबाळकर यांनी या वेळी सांगितले.
बेलवाडी(ता. इंदापूर) येथे आंदोलन करताना राष्ट्रवादी युवकचे अध्यक्ष अँड. शुभम निंबाळकर व पदाधिकारी.
१९बारामती ०४