राष्ट्रीय बंधुता साहित्य परिषद व महाराष्ट्र विकास केंद्र यांच्या वतीने आयोजित सातव्या विद्यार्थी-शिक्षक साहित्य संमेलनाच्या उद्घाटनाप्रसंगी ते बोलत होते. या वेळी परिषदेचे अध्यक्ष बंधुताचार्य प्रकाश रोकडे, संमेलनाध्यक्ष प्राचार्य प्रा. प्रदीप कदम, स्वागताध्यक्ष अनिल पाटील, कवी चंद्रकांत वानखेडे, माजी संमेलनाध्यक्ष प्राचार्य डॉ. अरुण आंधळे, माजी स्वागताध्यक्ष डॉ. विजय ताम्हाणे, प्रकाश जवळकर, संयोजक महेंद्र भारती, प्रा. वैभव पताळे, प्रा. प्रशांत रोकडे, शंकर आथरे आदी उपस्थित होते. प्रसंगी ''''''''बंधुतेचे विस्तीर्ण क्षितिज'''''''' पुस्तकाचे प्रकाशन व गुणवंत विद्यार्थ्यांचा पुरस्कार देऊन गौरव करण्यात आला.
प्रा. डॉ. पगारिया म्हणाले, "समाज घडविण्याची मोठी जबाबदारी शिक्षकांवर असते. डॉ. बाबासाहेब आंबेडकर यांनी दिलेल्या घटनेतील स्वातंत्र्य, समता, न्याय व बंधुता या मूल्यांमधील बंधुतेचा विचार विद्यार्थ्यांमध्ये रुजायला हवा. त्यासाठी शिक्षकांनी पुढाकार घ्यावा,
प्रकाश रोकडे म्हणाले, कोरोनाच्या साथीनंतर सगळी क्षेत्रे सुरू झाली. मात्र, अद्यापही ज्ञानमंदिरे बंद आहेत. शाळा बंद ठेवणे राष्ट्रहिताचे नाही. प्रतिकूल परिस्थितीतही अनेक शिक्षक चांगले काम करताहेत. ऑनलाईन शिक्षणामुळे नवी आव्हाने आहेत. शिक्षकांनी अद्ययावत ज्ञान आत्मसात करत विद्यार्थ्यांना नव्या युगाचे शिक्षण देण्यावर आपण भर दिला पाहिजे.
स्वागताध्यक्ष अनिल पाटील यांनी स्वागत-प्रास्ताविक केले. शंकर आथरे यांनी सूत्रसंचालन केले. प्रा. अमोल कवडे यांनी आभार मानले.
----------