पुणे : गरीब आणि गरजू महिलांना पैशाचे आमिष दाखवून विमाननगर येथील एका उच्चभ्रू सोसायटीत वेश्या व्यवसाय चालविणाऱ्या महिलेसह तिला जागा उपलब्ध करून देणाऱ्या साथीदाराला पोलिसांनी अटक केली असून, त्यांच्या ताब्यातून दोन पीडित महिलांची सुटका करण्यात आली आहे.
संजय विठठलराव भोईटे ( रा.राजीवनगर नॉर्थ, विमाननगर) असे अटक केलेल्या महिलेच्या साथीदाराचे नाव आहे. आरोपीकडून १६ हजार २०० रूपये, मोबाईल हँडसेट, कंडोम पाकिटे आणि तीन बँकेंची एटीएम कार्ड जप्त करण्यात आली आहेत. आरोपींविरुद्ध विमानतळ पोलीस स्टेशनमध्ये गुन्हा दाखल करून अटक करण्यात आली आहे. वरिष्ठ पोलीस निरीक्षक गजानन पवार, पोलीस उपनिरीक्षक सचिन जाधव, महिला पोलीस उपनिरीक्षक निशिगंधा शिंगे, पोलीस अंमलदार अविनाश शेवाळे, राजाराम घोगरे, अशोक घेगडे, मोहन काळे, रमेश लोहकरे, नाना कर्चे, विलास गाडे, राहुल मोरे, सचिन भिंगारदिवे, सुरेश यम्पाळे, विकास धावडे, वृषाली बुऱ्हाडे आणि वर्षा बांगर यांनी ही कारवाई केली आहे. विमानतळ पोलीस स्टेशनचे वरिष्ठ पोलीस निरीक्षक गुन्ह्याचा पुढील तपास करीत आहेत.
-----------------------------