१ जानेवारी २०१८ च्या दंगलीच्या पार्श्वभूमिवर कोणताही अनुचीत प्रकार परिसरात न घडु नये यासाठी गेल्या वर्षीपासुन जिल्हाप्रशासन व पोलीस प्रशासन मोठ्याप्रमाणावर कार्यरत झाले आहेत. छोट्या छोट्या गोष्टींवरही जिल्हा पोलीस प्रशासनाचे बारकाईने लक्ष ठेवत आहेत. दंगलीच्या नंतर व्हाटस्अॅप ग्रुप, फेसबुक, सारख्या अनेक समाज माध्यमातुन समाजकंटक आक्षेपार्ह पोस्ट व्हिडीओ पसरवित असतात. त्यातुन सामाजिक स्वास्थ्य बिघडले जाते. यासाठी जिल्हा प्रशासनाने १ जानेवारी २०२१ च्या मानवंदना कार्यक्रमाच्या अनुषंगाने शिक्रापुर पोलीस ठाण्यातील १२० व लोणीकंद पोलीस ठाण्यातील ४१० ग्रुप अॅडमिनला या संदर्भात नोटिसा बजाविल्या आहेत.
व्हॉटस् अॅप ग्रुपवर समाज विघातक पोस्ट, मजकुर, व्हिडिओ, आक्षेपार्ह पोस्ट टाकण्यात आल्यास व त्यातुन कोणताही कायदा सुव्यवस्थेचा प्रश्न निर्माण झाल्यास ग्रुप अॅडमिनवर सर्वस्वी जबाबदार धरुन गुन्हा दाखल करण्यात येणार आहे. या नोटिसा गुन्हा शाबितीकरणासाठी न्यायालयात पुरावा म्हणून वापरण्यात येणार आहेत.
चौकट
तर भोगावी लागणार तीन वर्षाची शिक्षा
ग्रुप अॅडमिनवरच गुन्हा दाखल होऊन या गुन्ह्यात तीन वर्ष शिक्षाही भोगावी लागणार आहे. ग्रुप अॅडमिनला येत्या काळात आपल्या ग्रुपवर लक्ष देण्याची गरज आहे.
-उमेश तावसकर, पोलिस निरीक्षक
चौकट :
ग्रुप अॅडमिन सावधान गुन्हा दाखल होईल
परिसारातील व्हॉट्सअॅप ग्रुप अॅडमिन व ग्रूपमधील सभासदांनी ग्रुपवर समाजविघातक व आक्षेपार्ह मजकुर व्हिडीओ पोस्ट केल्यास किंवा कॉपी करुन इतर ठिकाणी सोशल मिडीयावर प्रसारीत केल्यास व त्यातुन कोणताही कायदा सुव्यवस्थेचा प्रश्न निर्माण झाल्यास ग्रुप अॅडमिनला अटक करून कारवाई करण्यात येणार आहे. यामुळे ग्रुप अॅडमिनने सावधान राहण्याच्या सुचना पोलिस निरीक्षक उमेश तावसकर यांनी केल्य आहेत.