संतोष गाजरे
कात्रज : पुणे बंगलोर हायवेवर रात्रीच्या वेळी एक वाजण्याच्या सुमारास एका ट्रकने (KA 01AK 2788) रात्री जांभूळवाडी बोगद्याच्या अलीकडे पाचशे मीटरवर त्यात असणाऱ्या स्टीलच्या घर्षनाने पेट घेतला ट्रक आगीमध्ये पूर्णपणे जळाला असल्याचे ड्रायव्हर अल्ला पक्ष यांनी सांगितले.सुदैवाने यात कोणतीही जीवितहानी झाली नाही. अग्निशमन दलाच्या शर्तीच्या प्रयत्नानंतर आग विझवली.
दुसऱ्या घटनेत पुणे बंगलोर हायवे, दरीपूलावर दोन कंटेनरचा अपघात झाला कंटेनर ने पुढे चाललेल्या ट्रॉलीस धडक दिल्याने अपघात झाला या अपघातामध्ये कंटेनरच्या केबिनचा पूर्णपणे चक्काचूर झाला. पुणे व पीएमआरडीए अग्निशमन दलाकडून ३ वाहने घटना स्थळी दाखल असून जखमी वाहनचालकास जवानांनी बाहेर काढले आहे. मोठ्या प्रमाणात केबिनचा चक्काचूर झाल्याने ड्रायव्हरला बाहेर काढण्यासाठी जवानांना प्रयत्न करावे लागले. ड्रायव्हरला उपचारासाठी दवाखान्यात दाखल करण्यात आले आहे.असे अग्निशमन अधिकारी प्रकाश गोरे यांनी सांगितले.