ऑनलाइन लोकमत
नाशिक, दि. 19 - नाशिक-पुणे महामार्गावर मंगळवारी रात्री अपघात झाला आहे. सिन्नर बायपासवर दुभाजकाला कार धडकून अपघात झाला आहे. या अपघातात रोहित गंगावणे, दत्ता शहाजी गवळी ( दळवी नगर, चिंचवड, पुणे) या दोन जणांचा मृत्यू झाला आहे तर चार जण गंभीर जखमी झाले आहेत. विकास भिसे, अविनाश पांडारकार या दोघांवर नाशिक शहरातील श्रीनिवास हॉस्पिटलमध्ये तर सुरज शर्मा व विष्णू या दोघांवर शताब्दी हॉस्पिटलमध्ये उपचार सुरु आहेत. अपघातात ठार झालेले व जखमी हे सर्व पुण्यातील असून रात्री दोन वाजेच्या सुमारास हा अपघात झाला आहे.