आरोग्य कर्मचाऱ्यांना मिळणार कोरोनाची लस
नव्या वर्षात आनंदाची बातमी :
शनिवारपासून होणार लसीकरणास सुरूवात
बारामती :
नव्या वर्षात बारामतीकरांसाठी आनंदाची बातमी मिळाली आहे. शनिवारी (दि.
१६) पासून पहिल्या बारामती शहर व तालुक्यातील खासगी तसेच शासकिय सुमारे
३ हजार ५०० आरोग्य कर्मचाºयांना कोरोना लसीकरणास सुरूवात करण्यात येणार
आहे, अशी माहिती तालुका आरोग्य अधिकारी डॉ. मनोज खोमणे यांनी दिली.
आरोग्य कर्मचाºयांचा कोरोना रूग्णांशी जवळून संपर्क येत असल्याने राज्य व
केंद्र शासनाच्या निर्देशाप्रमाणे पहिल्या टप्प्यात आरोग्य कर्मचाऱ्यांना
लसीकरण करण्यात येणार आहे. यासाठी ५ पथके तयार करण्यात आली आहे. यामध्ये
१ व्हॅक्सीनेटर (प्रत्यक्ष लस देणारा) सोबत ४ सहकारी असणार आहेत.
त्यानुसार २५ आरोग्य कर्मचाºयांना मंगळवारी (दि. १२) पुणे येथे लसीकरणाचे
प्रशिक्षण देण्यात आले आहे. तालुक्यातील १ हजार २७८ शासकिय आरोग्य
कर्मचारी व खासगी वैद्यकिय क्षेत्रातील २ हजार २०० आरोग्य कर्मचाºयांनी
कोविन अ‍ॅपवर लसीकरणासाठी नोंदणी केली होती. या सर्व कर्मचाºयांना
पहिल्या टप्प्यात लसीकरणा करण्यात येणार आहे. दररोज ३०० ते ४०० आरोग्य
कर्मचाºयांना लसीकरण करण्यात येईल. पुढील आठ ते दहा दिवसांमध्ये पहिल्या
टप्प्यातील हे लसीकरण पूर्ण करण्यात येणार आहे. यासाठी रूई येथील शासकिय
महिला रूग्णालय व सांगवी येथील प्राथमिक आरोग्य केंद्रामध्ये लसीकरणाची
तयारी करण्यात आली आहे. यासाठी लसीकरण कक्ष उभा करण्यात आला आहे. यामध्ये
प्रतिक्षा कक्ष, लसीकरण कक्ष व निरिक्षण कक्षाची निर्मिती करण्यात आली
आहे. लस घेण्यापूर्वी सबंधीत आरोग्य कर्मचाºयाची संपुर्ण शाररिक तपासणी
करण्यात येणार आहे. तर दुसºया टप्प्यात पोलीस , होमगार्ड, नगर परिषदेचे
सर्व कर्मचारी, शिक्षक,अंगणवाडी सेविका, आशा स्वयंसेविका यांना लस दिली
जाणार आहे. तर पुढील तिसºया टप्प्यात साठ वर्षा पुढील व्यक्तींना तसेच
मधुमेह व रक्तदाब असणाºया नागरिकांना लस देण्यात येणार आहे. यासाठी योग्य
वेळी सूचना देण्यात येतील असे वैद्यकीय अधीक्षक डॉ सदानंद काळे यांनी
सांगितले.
लसीकरणानंतर सबंधीत आरोग्य कर्मचाºयाला सुमारे आर्धातास निरिक्षणाखाली
ठेवण्यात येणार आहे. एखाद्या व्यक्तीस लसीकरण केल्यानंतर त्रास सुरू
झाल्यास प्राथमिक उपचारासाठी एएसआय किट याठिकाणी उपलब्ध ठेवण्यात आले
आहेत. लसीकरण सुरू झाले असले तरी सर्वांपर्यंत लस पोहचण्यास वेळ लागणार
आहे. त्यामुळे मास्क, सॅनिटाईझर व सोशल डिस्टंन्सचे नियम पाळणे गरजचे
आहे.
- डॉ. मनोज खोमणे
तालुका आरोग्य अधिकारी, बारामती
-----------------------------
फोटो ओळी : रूई (बारामती) येथील शासकिय महिला रूग्णालयात कोरोना लसीकरण
कक्षाची निर्मिती करण्यात आली आहे.
१२०१२०२१-बारामती-०४
-----------------------------