--
ओतूर : जुन्नर कृषी उत्पन्न बाजार समितीचे उपबाजारात गुरुवारी २९ हजार ३९१ कांदा पिशव्यांची विक्रमी आवक होऊन नं. १ गोळा कांद्याच्या भावात मोठी घसरण झाली आहे. नं. १ गोळा कांद्यास १० किलोस १७० रुपये ते १९० रुपये बाजारभाव मिळाला, अशी माहिती जुन्नर कृषी उत्पन्न बाजार समितीचे सभापती अॅॅड. संजय काळे व उपसभापती दिलीप डुंबरे, कार्यालयप्रमुख दीपक मस्करे यांनी दिली.
गुरुवारी प्रतवारीनुसार १० किलोचे बाजारभाव पुढीलप्रमाणे - कांदा नं. १ (गोळा) १७० रुपये ते १९० रुपये, कांदा नं. २ (सुपर )१३० रुपये ते १७० रुपये, कांदा नं.३ (गोल्टा )-९० रुपये ते १३० रुपये, कांदा नं. ४-(गोलटी / बदला )-३० रुपये ते १०० रुपये, बटाटा लसूण आवक झाली नाही, असे कार्यालयप्रमुख दीपक मस्करे यांनी सांगितले.