लोकशाहीसाठी योग्य उमेदवाराला मत द्या

लोकशाही बळकट करण्यासाठी यासह योग्य उमेदवार निवडून देण्याची खरी जबाबदारी मतदार राजाची आहे. देशाचा, राज्याचा व स्थानिक पातळीवरील विकास करायचा असेल, तर

रहाटणी : लोकशाही बळकट करण्यासाठी यासह योग्य उमेदवार निवडून देण्याची खरी जबाबदारी मतदार राजाची आहे. देशाचा, राज्याचा व स्थानिक पातळीवरील विकास करायचा असेल, तर अभ्यासू, निष्कलंक उमेदवार निवडून जाणे गरजेचे आहे. त्यामुळे मतदारांनी योग्य उमेदवारांनाच संधी द्यावी, असे मत प्रभाग क्रमांक २७ रहाटणी-काळेवाडी मधील सर्वसाधारण पुरुष गटातील अपक्ष उमेदवार विनोद तापकीर यांनी मतदारांशी संवाद साधताना मांडले. यासह ‘मतदार राजा जागा हो विकासाचा धागा हो’ असा नाराही दिला. तापकीर सध्या मतदारांच्या वैयक्तिक गाठीभेटी घेत आहेत. त्यांच्या सोबत कार्यकर्ते निवडणूक चिन्ह बॅट घेऊन प्रचारात सहभागी होत आहेत. महापालिका निवडणुकीच्या मतदानाला अवघे काही दिवस शिल्लक राहिले आहेत. त्यामुळे दिवसेंदिवस प्रचाराला रंगत येत आहे. मतदाराकडे उमेदवारांच्या फेऱ्या वाढल्या आहेत. मात्र, यंदाच्या निवडणुकीत मतदार राजा योग्य उमेदवारांनाच संधी देतील, अशी अपेक्षा तापकीर यांनी व्यक्त केली. या प्रभागात अनेक समस्या आहेत. मात्र नागरिकांना सांगता येत नाहीत. एकाला सांगितल्या, तर दुसऱ्याला राग अशी स्थिती असल्याने गप्प आहेत. मात्र मतदार चाणाक्ष असल्याचेही त्यांनी नमूद केले. (वार्ताहर)