उर्से : धामणे (ता. मावळ) येथील सशस्त्र दरोड्यातील तिहेरी हत्याकांंडाचे धागेदोरे हाती लागले असून, सहा पथके तपासासाठी रवाना झाल्याची माहिती तळेगाव पोलिसांनी दिली. मंगळवारी पहाटे सशस्त्र दरोडेखोरांनी केलेल्या बेदम मारहाणीत धामणे येथीन नथू विठोबा फाले (वय ७०), त्यांच्या पत्नी छबाबाई नथू फाले (वय ६५) आणि मुलगा अभिनंदन तथा आबा नथू फाले (वय ३२) यांचा मृत्यू झाला होता. नथू फाले यांची सून तेजश्री अभिनंदन फाले (वय २५) व नात अंजली (वय ६) जखमी झाल्या आहेत. त्यापैकी तेजश्री या गंभीर जखमी असून, त्यांच्या कानाला व डोक्याला गंभीर मारहाण झाली. तळेगाव पोलिसांसमोर आरोपींना पकडण्याचे मोठे आव्हान उभे राहिले आहे. याबाबत सहा पथके तपासासाठी रवाना झाली असून, कसून चौकशी व माहिती घेतली जात आहे. याबाबत पोलीस निरीक्षक मुगुट पाटील म्हणाले, याबाबत काही धागेदोरे मिळाले आहेत. (वार्ताहर)
तिहेरी हत्याकांड तपासासाठी सहा पथके
By admin | Updated: April 27, 2017 04:53 IST