बलात्कारप्रकरणी सहाजण ताब्यात

पिंपरीतील अजमेरा कॉलनीत आजीकडे राहण्यास आलेल्या एकवीस वर्षीय तरुणीवर सामूहिक बलात्कार झाल्याची घटना उघडकीस आली आहे.

लोकमत न्यूज नेटवर्कपिंपरी : पिंपरीतील अजमेरा कॉलनीत आजीकडे राहण्यास आलेल्या एकवीस वर्षीय तरुणीवर सामूहिक बलात्कार झाल्याची घटना उघडकीस आली आहे. हा प्रकार सुमारे दीड महिन्यांनी उघडकीस आला आहे. यातील सातपैकी सहा आरोपींना पिंपरी पोलिसांनी अटक केली आहे.सौरभ रमेश शेट्टी, नसीज अहमद इन्सान अली खान, हर्षल देविदास भाटिया, गुरुजितसिंग दसर, दानिश मेहबूब चौधरी व सिद्धार्थ राजेंद्र झपके (सर्व रा. मासुळकर कॉलनी, अजमेरा) अशी अटक करण्यात आलेल्या आरोपींची नावे असून, एक फरार आहे. अजमेरा कॉलनी येथे सुटीसाठी ही तरुणी आजीकडे आली होती. शेजारी राहत असलेल्या सौरभ शेट्टी या तरुणाशी ओळख झाली होती. हा तरुण तिला एक दिवस फिरायला घेऊन गेला. त्या वेळी त्याने तिच्यावर अत्याचार केले. ही गोष्ट त्याने त्याच्या तीन मित्रांनाही सांगितली. त्यानंतर त्या तिघांनीही तिच्यावर अत्याचार केले व तीन मित्रांच्या ओळखीच्या मित्रांनीही पीडितेवर अत्याचार केले. हा प्रकार मार्च ते मे या कालावधीत झाला आहे. त्यानंतर या सर्व प्रकारातून तरुणी आजारी पडली. त्यामुळे आजीने तिला नेरळला तिच्या गावी नेऊन सोडले. घरच्यांनी तिला रुग्णालयात नेले. त्यानंतर २५ मे रोजी नेरळ पोलीस ठाण्यात गुन्हा दाखल केला.