पिंपरी : जीवनातील गरजा पूर्ण करण्यासह निवृत्तीनंतर आरामदायी आयुष्य जगण्यासाठी म्युच्युअल फंडात गुंतवणूक करणे सर्वांत योग्य पर्याय असल्याचे इच्छुक गुंतवणूकदारांनी मान्य केले. म्युच्युअल फंडात ताबडतोब गुंतवणूक करण्याचा निर्धारही सर्वांनी केला.
प्रसंग होता ‘लोकमत’ आणि आदित्य बिर्ला सनलाइफ म्युच्युअल फंड यांच्या संयुक्त विद्यमाने आयोजित इन्व्हेस्टमेंट मंत्र गुंतवणूकविषयक मार्गदर्शक शिबिराचा. म्युच्युअल फंडाविषयी अधिक माहिती जाणून घेण्यास शहरवासीयांमध्ये प्रचंड उत्सुकता असल्याची प्रचिती या निमित्ताने आली. आकुर्डीतील सीझन्स बॅन्क्वेट्सच्या हॉलमध्ये रविवारी सायंकाळी हे शिबिर पार पडले. दीपप्रज्वलनाने कार्यक्रमाची सुरुवात करण्यात आली. या वेळी आदित्य बिर्ला सनलाइफ एएमसी लि.चे प्रशिक्षण सल्लागार नीलरत्न चौबळ व महाराष्ट्र व गोवा विभागप्रमुख मनीष शुक्ला, वैभव सुतार, नीलेश चव्हाण उपस्थित होते. कॉलेजच्या विद्यार्थ्यांपासून ते ज्येष्ठ नागरिकांपर्यंत सर्वच जण सहभागी झाले होते. प्रत्येकाच्या मनात आपल्या कमाईतील पैसा सुरक्षित व योग्य ठिकाणी गुंतवण्याची प्रबळ इच्छा होती. ही इच्छा शिबिरात अनेकांनी व्यक्त करून दाखविली. आदित्य बिर्ला सनलाइफ एएमसी लिमिटेडचे नीलरत्न चौबळ यांनी सांगितले की, आपण कमावलेल्या पै-पैची कोणाच्या सांगण्यावरून किंवा अर्धवट माहितीवरून डोळेझाकून कोठेही गुंतवणूक करू नका. गुंतवणूक करण्यापूर्वी आपण आपल्या जीवनातील गरजा ओळखा. त्यात प्राथमिकतेनुसार त्या गरजांची गटवारी तयार करा. त्यानुसार आर्थिक नियोजन करा.
गुंतवणुकीची सुरुवात लवकर करा. जेवढ्या लवकर तुम्ही गुंतवणूक कराल, तेवढा तुम्हाला फायदा मिळेल. सध्या नोकरीचा काही भरवसा राहिलेला नाही, तसेच आता खासगी क्षेत्रात सोडाच; पण सरकारी नोकरीतही निवृत्तिवेतन मिळणार नाही. यामुळे निवृत्तीनंतरच्या आयुष्यात पैशाची टंचाई जाणवू द्यायची नसेल, तर म्युच्युअल फंडाशिवाय दुसरा सर्वोत्तम पर्याय नाही, हे त्यांनी विविध व्हिडिओ क्लीप व उदाहरणांद्वारे उपस्थितांना पटवून दिले. म्युच्युअल फंड म्हणजे नेमके काय आहे, मागील २० वर्षांत यात गुंतवणूक करणाऱ्यांना किती लाभ झाला, याची सविस्तर माहिती आदित्य बिर्ला सनलाइफ एएमसी लिमिटेडचे मनीषशुक्ला यांनी दिली. त्यांनी सांगितले की, गुंतवणूक करताना तुम्हाला जोखीम घ्यावीच लागेल.म्युच्युअल फंडामध्ये गुंतवणूक करणे हे जोखमीचे आहे, असे स्पष्टसांगितले जाते, हीच यातील पारदर्शकता आहे. म्युच्युअल फंडात गुंतवणूक करून तुम्ही तुमचे आर्थिक जीवन अधिक समृद्ध करू शकता. शिवाय जोखीमदेखील थोडी कमी होते. कार्यक्रमामध्ये ज्येष्ठ नागरिकांच्या अनेक प्रश्नांचे निराकरणही त्यांनी केले. लोकांमध्ये गुंतवणुकीची सवय लागावी या उद्देशाने ‘लोकमत’च्या माध्यमातून हा कार्यक्रम घेण्यात आला. उपस्थित प्रेक्षकांमधून ‘लकी ड्रॉ’ काढून आठ भाग्यवान विजेत्यांना पारितोषिक देण्यात आले. प्रा. विक्रम काळे यांनी सूत्रसंचालन केले.म्युच्युअल फंडात गुंतवणूक वैविध्यपूर्ण४म्युच्युअल फंडामध्ये गुंतवणूक ही अनेक जागी केली जाते. म्हणूनगुंतवणूक वैशिष्ट्यपूर्ण असते. त्यामुळे धोका कमी होतो. समजा,तुमची पूर्ण गुंतवणूक एकाच प्लॉटमध्ये आहे किंवा एकाच कंपनीच्या शेअरमध्ये आहे, फक्त सोन्यातच आहे, अशा वेळेस किमती कमी झाल्यास मोठे नुकसान होते.४ याउलट, तुमची गुंतवणूक वैविध्यपूर्ण असेल तर एका गुंतवणुकीवर संकट आले, तरी तुमचे जास्त नुकसान होणार नाही. झालेले नुकसान दुसरी गुंतवणूक भरूनही काढू शकते. हेच म्युच्युअल फंडाचे वैशिष्ट्य असल्याचे मनीष शुक्ला यांनी सांगितले.सेमिनारला उदंड प्रतिसाद४लोकमत व आदित्य बिर्ला सनलाइफने आयोजित केलेल्या सेमिनारला शहरातील व्यापारी, अधिकारी वर्ग, कर्मचारी व इतरांनी चिकित्सकपूर्ण प्रश्न विचारून आपली उपस्थिती दर्शविली.४सेमिनारला महिला वर्गाने विशेष रुची दाखविली.