पिंपरी : महापालिकेच्या प्रभाग क्रमांक २५ मधील भाजपाच्या उमेदवारांनी रविवारी वाकड परिसरातील विविध सोसायट्यांमध्ये प्रचार केला. या सोसायट्यांचे पदाधिकारी, सदस्य आणि मतदारांनी या वेळी विविध प्रश्न आणि समस्या भाजपाच्या उमेदवारांकडे मांडल्या. वाकड-ताथवडे-पुनावळे या प्रभाग क्रमांक पंचवीसमधील भाजपाचे उमेदवार राम वाकडकर, विशाल कलाटे, सीमा आल्हाट, भाजपापुरस्कृत अधिकृत उमेदवार ज्योती ओव्हाळ यांनी सोसायट्यांमधील समस्या आणि प्रश्न जाणून घेतले. ‘विकासासाठी भाजपाला एकहाती सत्ता द्या’, असे आवाहन या वेळी या उमेदवारांनी केले. विजय भुजबळ, सनत देसाई, संतोष कलाटे यांच्यासह भाजपासमर्थक मोठ्या प्रमाणात या वेळी उपस्थित होते. सोनेस्टा टॉवर, अफोसट्रॉफी, गंगा सायरस, अक्षर इलेमेन्ट आदी सोसायट्यांमध्ये या वेळी प्रचार करण्यात आला. सोसायट्यांच्या क्लब हाऊसमध्ये सभा घेण्यात आल्या. सोसायट्यांतील महिला, युवती, ज्येष्ठ नागरिक आणि युवा मतदारांनी या सभांना प्रतिसाद दिला.महापालिकेच्या प्रभाग क्रमांक २५ मधील भाजपाच्या उमेदवारांनी रविवारी विविध सोसायट्यांमध्ये प्रचार केला. या वेळी वाकड येथील भुजबळ वस्ती येथील वेस्ट वन सोसायटीच्या क्लब हाऊसमध्ये सभा घेण्यात आली. (प्रतिनिधी)
भाजपाचा सोसायट्यांमध्ये संवाद'
By admin | Updated: February 13, 2017 01:38 IST