नोरा फतेहीच्या फॅन्ससाठी खूशखबर, इंडियाज बेस्ट डान्सरच्या मेकर्सने दिला संकेत....

गेल्या ४ आठवड्यांपासून नोरा गीता कपूर आणि टेरेंस लुईससोबत जज म्हणून दिसत होती. आता मलायका कोरोनातून बरी झाली असून परत येणार आहे'.

नुकतीच बातमी समोर आली होती की, मलायका अरोरा परत आल्यावर 'इंडियाज बेस्ट डान्सर'ची गेस्ट जज नोरा फतेहीला शो सोडावा लागेल. यावरून नोरा फतेहीचे फॅन्स नाराज झाले होते. पण तिच्या फॅन्ससाठी आता आनंदाची बातमी आहे. नोराशी संबंधित एक आनंदाची बातमी स्वत: शोच्या निर्मात्यांनी दिलीये.

इंडियाज बेस्ट डान्सर शोचे निर्माता रंजीत ठाकूरने मिररसोबत बोलताना सांगितले की, 'त्याना आशा होती की मलायका १५ दिवसात शो जॉइन करेल आणि यादरम्या नोरा फतेहीने गेस्ट जज बनून तिची जागा घेतली.

गेल्या ४ आठवड्यांपासून नोरा गीता कपूर आणि टेरेंस लुईससोबत जज म्हणून दिसत होती. आता मलायका कोरोनातून बरी झाली असून परत येणार आहे'.

या बातमीला दुजोरा देत निर्मात्यांनी सांगितले की, 'होय, मलायका तिचा कमबॅक एपिसोड सोमवारी शूट करणार आहे. आधी १४ दिवस ती होम क्वारंटाइन राहिली. तिसऱ्या आठवड्यात तिची कोविड टेस्ट निगेटीव्ह आली होती.

आम्हाला तिला लगेच स्ट्रेस द्यायचा नव्हता. त्यामुळे तिने आणखी काही दिवस आराम केला. आम्हाला नोरा असणं अशाप्रकारे अचानक संपवायचं नाहीये. आमची इच्छा आहे की, नोराचा निरोप समारंभ चांगल्याप्रकारे व्हावा'.

त्यांनी सांगितले की, 'नोराचं फेअरवेल गिफ्ट म्हणून या आठवड्यात स्पर्धक तिच्या गाण्यांवर परफॉर्म करतील. ते म्हणाले की, 'नोराची आमच्यासोबत काम करण्याची खूप इच्छा होती. आम्ही परिस्थितीनुसार तिला संधी दिली आणि आम्ही याचा फायदा करून घेतला. ती एक चांगली महिला आणि इंडस्ट्रीतील शानदार डान्सर्सपैकी एक आहे'.

अशात त्यांनी इशारा केला की, नोरा शो संपण्यापूर्वी स्टेजवर पुन्हा येऊ शकते. निर्माते म्हणाले की, 'आम्ही फिनालेमध्ये तिच्या परफॉर्मन्सचं प्लॅनिंग करत आहोत. बघुया पुढे काय कसं होतं'.

गीता कपूरने तिच्या इन्स्टाग्राम हॅंडलवर नोरासोबतचा फोटो शेअर करत लांबलचक पोस्टही लिहिली आहे. गीताने लिहिले की, 'तू शोमध्ये अशी झाली जशी एखादी ताज्या हवेची झुळूक. माझ्या लाइफचा इतका चांगला भाग होण्यासाठी धन्यवाद बेबी नोरा.

मला नाही माहीत की, तू हे कसं केलं. पण इतक्या कमी वेळात तू तुझी इमानदारीने, प्रेमाने, सभ्यतेने एक खास जागा निर्माण केली, जी मलायकाच्या जाण्याने रिकामी झाली होती. मला तुझी खूप आठवण येईल. देवाचा आशीर्वाद नेहमी तुझ्या पाठीशी राहिल'.

नोरा फतेही नुकतीच एका वादग्रस्त व्हिडीओमुळे चर्चेत आली होती. ज्यात कोरिओग्राफर टेरेंस लुईसवर आरोप होता की, त्याने नोराला चुकीच्या पद्धतीने स्पर्श केला. या व्हिडीओवरून लोकांनी टेरेंसवर टीका करणे सुरू केले होते. तेव्हा नोराच टेरेंसच्या बचावासाठी आली होती.

नोराने सोशल मीडियावर लिहिले होते की, 'धन्यवाद टेरेंस. आजकाल सोशल मीडियात व्हिडीओ मॉर्फ केले जात आहेत आणि फोटोशॉप करून इफेक्ट्स देऊन मीम तयार केले जात आहेत. मला आनंद आहे की, याचा तू त्रास करून घेतला नाही. तुम्ही शांत रहा. ही वेळही निघून जाईल. तुम्ही आणि गीता मॅम माझ्यासोबत इतक्या सन्मानाने वागले, मला प्रेम दिलं आणि एक जज म्हणून शोमध्ये स्वीकारलं. ही माझ्यासाठी खूप मोठी बाब आहे'.