1 / 11आपल्याला झाडे लावायला तर आवडतात, मात्र जागेचा प्रश्न असतो. इमारतीमध्ये फ्लॅट असेल किंवा घराच्या आजूबाजूला जागा नसेल तर मग झाडे लावता येत नाहीत. 2 / 11बरेचदा आपण झाड लावतो आणि नंतर योग्य तेवढी काळजी घेत नाही. काही झाडे अशी असतात ज्यांना भरपूर देखभालीची गरज असते. मात्र काहींना कमी कष्टातही वाढवता येते. 3 / 11तुम्हाला घरात छान फुलांचा सुगंध दरवळलेला आवडत असेल तर, फुलझाडे लावायला नक्कीच आवडतील. या काही रोपांना अति काळजीची गरज नसते त्यांची ती वाढतात. जागाही कमी व्यापतात. 4 / 11मोगऱ्याचा वास फार सुंदर येतो. तसेच मोगरा बाल्कनीमध्ये लावायला काहीच हरकत नाही. वेळोवेळी पाणी घालायचे. बाकी काही काळजी घ्यावी लागत नाही. 5 / 11जास्वंदाचे अनेक प्रकार असतात. त्यातील काही बाल्कनी किंवा गॅलरीमध्ये अगदी आरामात वाढतात. मात्र महिन्यातून एकदा तरी फांद्या कापाव्या लागतात. बाकी काही काळजी घ्यावी लागत नाही. 6 / 11अनंताचे बोनसाई रुपी झाड लावता येते. अनंताचे झाडे तसे मोठे असते. अंगणात लावावे लागते. मात्र अनंताचे बोनसाई झाड बाल्कनीमध्ये आरामात वाढते. छान फुलतेही.7 / 11अनेक प्रकारची आणि रंगाची सदाफुलीची रोपे नर्सरीमध्ये मिळतात. सदाफुली छान रंगीत आणि टवटवीत दिसते. काळजीही भरपूर घ्यावी लागत नाही.8 / 11चमेलीचे फुलही कमी जागेत वाढू शकते. पाणीही जास्त लागत नाही. सूर्यप्रकाश चांगला मिळेल याची काळजी घ्या.9 / 11जुईच्या फुलाची वेल कमी जागेतही छान फुलते. लहान पांढरी फुले फार सुंदर असतात. जुईची वेल नर्सरीमध्ये आरामात मिळेल.10 / 11लिलीचे छान लाल फुल बाल्कनीमध्ये लावता येते. कुंडीमध्ये ते व्यवस्थित वाढते. काळजीही फार घ्यावी लागत नाही.11 / 11बटण गुलाब दिसायला फार सुंदर असतो. एकदा फुलायला लागला की भरपूर फुलेही देतो. वेळोवेळी कापणी केल्यावर छान टवटवीत राहणारे हे रोप आहे.