CoronaVirus News: कोरोनापासून बचाव करण्यासाठी संशोधकांची 'वेगळीच' शक्कल; लस येईपर्यंत होणार संरक्षण

1 / 10

देशातील कोरोना रुग्णांचा ७२ लाखांच्या पुढे गेला आहे. गेल्या काही दिवसांपासून कोरोना रुग्णांची संख्या कमी होत असली, तरीही धोका कायम आहे.

2 / 10

कोरोना लस येण्यासाठी नवं वर्ष उजाडेल. तसे संकेत केंद्रीय आरोग्यमंत्री डॉ. हर्षवर्धन यांनी दिले. त्यानंतरही संपूर्ण देशात लसीकरण करण्यास बराच कालावधी लागेल.

3 / 10

कोरोना लस येण्यास काही महिन्यांचा कालावधी लागणार असल्यानं भारतीय कंपन्यांनी वेगळीच शल्लक लढवली आहे.

4 / 10

देशातल्या तीन कंपन्यांनी कोविड-१९ च्या अँटीबॉडी औषधांवर काम सुरू केलं आहे. यामुळे कोरोनाची लागण झालेल्या व्यक्तीच्या शरीरात अँटीबॉडीज तयार होतील.

5 / 10

भारत सीरम्स, इन्टास फार्मा आणि बायोलॉजिकल ई या कंपन्यांनी भारतीय वैद्यकीय संधोधन परिषदेच्या मदतीनं अँटीबॉडीज तयार करू शकणाऱ्या औषधांवर काम सुरू केलं आहे.

6 / 10

अँटीबॉडीज शरीरात फर्स्ट लाईन ऑफ डिफेन्सप्रमाणे काम करतात. शरीरावर विषाणूचा हल्ला होताच रोगप्रतिकार यंत्रणा एँटीबॉडीज तयार करू लागते.

7 / 10

सध्या कोरोना रुग्णांवरील उपचारांसाठी वापरण्यात येणाऱ्या रुग्णांच्या शरीरातील व्हायरलचं प्रमाण कमी करतात. तर एँटीबॉडीज लसीप्रमाणे काम करतात.

8 / 10

अँटीबॉडीजमुळे शरीराची रोगप्रतिकारक क्षमता वाढते. त्यामुळे विषाणूपासून बचाव होतो.

9 / 10

अहमदाबादमधल्या इन्टास कंपनीनं कोरोनावर मात केलेल्या व्यक्तींच्या शरीरातल्या रक्तामधल्या अँटीबॉडीज काढण्याची योजना तयार केली आहे. यापासून सर्व रक्तगटातल्या व्यक्तींना देता येईल, असं औषधं तयार करण्याचा कंपनीचा प्रयत्न आहे.

10 / 10

भारत सीरम घोड्यांच्या अँटीसेराचा वापर करून अँटीबॉडीज तयार करणार आहे. या औषधाच्या चाचणीचा अहवाल पुढील महिन्यात येतील, अशी अपेक्षा सीरमला आहे.