लोकमत न्यूज नेटवर्कपरभणी : पोलीस कोठडीत मृत्यू झालेल्या समशेर खान यांच्या प्रकरणात फरार असलेले पोलीस शिपाई शेख अब्दुल मुश्ताक व विष्णू देशमुख या दोघांना बडतर्फ करण्याचे आदेश पोलीस अधीक्षक दिलीप झळके यांनी काढले आहेत़समशेर खान मृत्यू प्रकरणात तत्कालीन पोलीस निरीक्षक रौफ यांच्यासह पोलीस शिपाई विष्णू देशमुख व शेख अब्दुल मुश्ताक यांच्याविरूद्ध खुनाचा गुन्हा नोंद झाला होता़ गुन्हा दाखल झाल्यापासून देशमुख व शेख अब्दुल फरार आहेत़ अखेर १५ डिसेंबर रोजी पोलीस अधीक्षकांनी या दोन्ही कर्मचाºयांच्या बडतर्फीचे आदेश काढले आहेत़
परभणी : दोन पोलीस कर्मचारी बडतर्फ
By लोकमत न्यूज नेटवर्क | Updated: December 17, 2017 00:38 IST