परभणीला दररोज १५ टन ऑक्सिजनची गरज

परभणी जिल्ह्याला दररोज १५ टन ऑक्सिजनची आवश्यकता भासते. परभणी शहरातील शासकीय रुग्णालयांमध्ये ५० केएल लिक्विड ऑक्सिजन टॅंक उभारण्यात आला आहे. त्याचप्रमाणे एक २० केएल क्षमतेचा प्रकल्पही खासगी तत्त्वावर सुरू करण्यात आला आहे. त्यामुळे दररोज ७० केएल लिक्विड ऑक्सिजन साठवण्याची क्षमता निर्माण झाली असली, तर प्रत्यक्षात लिक्विड ऑक्सिजनचा तुटवडा निर्माण झाल्याने क्षमतेएवढा ऑक्सिजन साठा प्राप्त होत नाही. याशिवाय १ हजार जम्बो सिलिंडर्स आणि २३ ड्युरो सिलिंडर प्रशासनाने खरेदी केले असून, या सिलिंडरच्या माध्यमातून रुग्णांपर्यंत ऑक्सिजन पुरवठा केला जात आहे. परळी औष्णिक विद्युत केंद्रातील ऑक्सिजन प्रकल्प परभणीत आला असून, हा प्रकल्प येत्या दोन दिवसांत होणार आहे. ५० हजार लिटर प्रतितास ऑक्सिजन निर्माण करण्याची क्षमता या प्रकल्पाची आहे. याच धर्तीवर आणखी एक ३० हजार लिटर प्रति तास ऑक्सिजन निर्माण करण्याचा प्रकल्प जिल्हा सामान्य रुग्णालयात कार्यान्वित केला जाणार आहे.