आत्महत्याप्रकरणी चौघांविरुद्ध गुन्हा दाखल

तालुक्यातील पिंप्री (झोला) येथील रामेश्वर दत्तराव भिसे (वय ५१ वर्ष) यांनी १ फेब्रुवारी रोजी सायंकाळी साडेचार वाजेच्या सुमारास परभणी रस्त्यावर असलेल्या पेट्रोल पंपाच्या मागील नंदकुमार भरड यांच्या शेतात विष प्राशन केले होते. त्यांचा मुलगा संदिप रामेश्वर भिसे याने शेत शेजारी अनिल राठोड यांच्या मदतीने दुचाकीवरून रामेश्वर भिसे यांना गंगाखेड उपजिल्हा रुग्णालयात दाखल केले. मात्र डॉ. केशव मुंडे यांनी त्यांना मृत घोषित केले. जमादार रंगनाथ देवकर, पो. ना. एकनाथ आळसे यांनी पंचनामा केला तेंव्हा त्यांच्या खिशात कर्ज व शेतीच्या वादाला कंटाळून आत्महत्या करीत असल्याच्या दोन चिठ्ठ्या आढळल्या. याप्रकरणी संदीप रामेश्वर भिसे यांनी सोमवार रात्री उशिरा गंगाखेड पोलीस ठाण्यात फिर्याद दिली. त्यावरुन बाबासाहेब बापूराव कांबळे, लिंबाजी कबाजी उर्फ कबीर भिसे (दोघे रा. पिंप्री (झोला)), आदेश अजय रुद्रवार व वैभव अजय रुद्रवार (रा. गं)गाखेड अशा चौघांविरुद्ध मृत्युस कारणीभूत प्रकरणी गुन्हाकरण्यात आला सहायक पोलीस निरीक्षक विकास कोकाटे तपास करीत आहेत.