‘तसलं काही’ सतत पाहण्याचं बळावलं की,
फक्त ‘पाहण्यात’ रस उरतो
बाकी कुठल्याही प्रकारच्या कृतीला नकार मिळतो.
त्यातून काहीजण स्वत:च्या
व्यक्तिगत संबंधातलं सुख
आणि निकोप संवादही हरवून बसतात.
आशिष आणि माधुरीचा नुकताच डिव्होर्स झाला. खरंतर त्यांचा सुखी संसार. दोघंही उत्तम नोकरी करणारे. चांगला पगार. एक मुलगा. राजाराणीचा संसार. अगदी दृष्ट लागावी असा. पण मग थेट डिवोर्सपर्यंत पोचण्याचं कारण काय?
तर पोर्नोग्राफी साईटस.
आशिषला पोर्नोग्राफी साईटस बघण्याचा शौक होता. सुरुवातीला ‘तसलं काही’ कधीतरी बघणारा आशिष नंतर नंतर रोज रात्री पोर्नोग्राफी साईटस बघू लागला. तसलं काही बघितल्याशिवाय त्याला झोप येईनाशी झाली. पुढे पुढे तर झोपच येईनाशी झाली. रात्नभर पोर्नोग्राफी साईटस बघत बसायचं आणि पहाटे कधीतरी थोडावेळ झोपायचं असं सगळं सुरु झालं.
आपला नवरा रात्र रात्र जागून करतो काय हे शोधण्याचा माधुरीने खूप प्रयत्न केला पण दर वेळी काहीतरी कामाचं निमित्त तो काढायचा. पुढे पुढे ‘रूटीन सायकल’ विस्कळीत झाली आहे त्यामुळे झोप येत नाही. तू झोप असं सांगून माधुरी झोपली की आशिष पोर्नोग्राफी साईटस बघायला बसायचा. आपण कधी या सगळ्याच्या आहारी जातो आहोत हेच त्याला समजलं नाही. माधुरीला हळूहळू शंका यायला लागली. कारण एरवी तिच्यासाठी अतूर असलेला आशिष आता तिला टाळायला लागला होता. पोर्न साईट्स पाहण्यातच प्रचंड गुंतण्यातून बायकोच्या शरीराप्रती आणि मनाप्रती आपल्या काही जबाबदा:या आहेत याचंही भान हळूहळू संपून गेलं.
आपला नवरा रात्र रात्र नेमकं करतो काय हे शोधायला जेव्हा माधुरीनं सुरु वात केली तेव्हा तिला धक्काच बसला. नव:याशी बोलण्याचा, त्याला पोर्नोग्राफी साईटस डिअॅडिकशन सेंटरमध्ये पाठवण्याचा प्रयत्न पण तिने केला पण या कशालाच आशिष आणि त्याच्या घरच्यांनी दाद दिली नाही. हळूहळू आशिषचं कामावरचं लक्ष कमी व्हायला लागलं. तो इतर व्यसनांच्या आहारी गेला. आणि शेवटी तिनं आशिषसमोर घटस्फोटाचा पर्याय ठेवला.
***
फॅमिली कोर्टात गेलं तर पोर्नसाईट्स पाहण्यापासून इंटरनेट अॅडिक्शन आणि सोशल नेटवर्किंगमधून झालेला घोळ अशी कितीतरी कारणं घटस्फोटामागे हल्ली दिसतात.
हातातल्या मोबाईवर इंटरनेट आल्यापासून तर या वेळ मिळेल तेव्हा, गुपचुप, कुठेही, कधीही बघण्याची सोय झाली आहे. पण या सोयीचा सगळ्यात मोठा दुष्परिणाम हा कुटुंबांवर आणि स्त्री-पुरु षांच्या लैंगिक जीवनावर होतो आहे. सातत्याने अशा फिल्म्स क्लिप्स आणि व्हिडीओ बघितल्यामुळे अनेकांमधे शरीरसंबंध करण्याइतपत सुद्धा इच्छा शिल्लक राहत नाही. तर काहीजण आपल्या जोडीदाराकडून ‘तसल्या’ अपेक्षा ठेवू लागतात.
त्यातून मग एकमेकांचे मोबाईल पाहणो, त्यावरुन भांडणं, कज्जे, निराशा, राग, संताप अशा भावना बळावतात आणि नात्यात तेढ निर्माण व्हायला सुरु वात होते. हल्ली रात्रीच्या जागरणांचं भारी कौतुक करण्याकडे कल आहे. पण पोर्नोग्राफी साईटस बघता बघता रात्र जागवणं आणि काहीतरी महत्वाच्या कामाने पछाडून रात्र जागवणं यातला फरकच समजेनासा झाला आहे. या जागरणाचा शरीरावर, मनावर ताण येतो. प्रॉडक्टीव्हीटी कमी होत. कामात लक्ष लागत नाही.
आशिण आणि माधुरीची केस जवळून बघताना लक्षात आलं की त्या दोघांमध्ये विसंवाद होण्याचं अजून एक कारण म्हणजे आशिषचं घरात लक्ष नसणं. रात्रभर जागरण केल्यानंतर सकाळी जाग उशीरा यायची. मग ऑफिसला जाण्याची घाई. ऑफिसला उशीरा पोचल्यामुळे घरी परतायला उशीर. त्यामुळे घरातल्या कामांचा, मुलाच्या संगोपनाचा सगळा ताण माधुरीवर यायला लागला. त्यात माधुरीही नोकरदार त्यामुळे नोकरी करुन घर सांभाळताना तिची दमछाक व्हायला लागली. ताण वाढत गेले आणि एक दिवशी तुकडा पडला.
अशी पोर्नोग्राफी साईटस मुळे तुकडा पडलेली किंवा तुकडा पडण्याच्या बेतात असलेली कितीतरी कुटुंब, आशिषसारखे पोर्नोग्राफीच्या मायाजालात हरवून गेलेले पुरु ष आणि त्यांच्या या सवयीने त्रसलेल्या बायका आजूबाजूला सर्रास बघायला मिळतात.
मुळात ज्यावेळी अशा साईटस बघण्याची इच्छा सातत्याने होते, तीव्रपणो होते तेव्हा आपल्याला या गोष्टीची सवय जडली आहे हे लक्षात घेतलं पाहिजे आणि कुठल्याही सवयीचा अतिरेक झाला तर त्याचं व्यसन होतं हेही समजून घेतलं पाहिजे.
मुद्दा इथे पोर्नोग्राफी साईटस बघणं चांगलं की वाईट हा नाहीये.
प्रश्न हा आहे की पोर्नोग्राफी साईटस बघून एखाद्याच्या तब्येतीची हेळसांड होणार असेल, एखाद्याचं कुटुंब मोडून पडणार असेल तर यातली मौज खरचं तेवढी गरजेची आहे का?
महत्वाची आहे का?