तुम्ही उत्साहानं स्मार्ट फोन घेता. नेटपॅक मारता. दणादण ऑनलाइन शॉपिंगही सुरू करता. पण त्यात काही घोळ झाला तर? आपल्या सिक्युरिटीची काळजी कुणी घ्यायची.
त्यासाठीच ही काही ऑनलाइन मदत.
नक्की वापरा.
ऑनलाइन सिक्युरिटीसाठी.
ऑनलाइन ट्रान्झ्ॉक्शन करताना डबल ऑथेंटिकेशन वापरा. बँका तुमच्या फोनवर रजिस्टर्ड वन टाइम पासवर्ड पाठवण्याचा पर्याय देतात. या दुहेरी व्हेरिफिकेशनमुळे तुमच्या ऑनलाइन व्यवहारांमध्ये तुम्हाला फसवलं जाण्याची शक्यता कमी होते.
अपडेट
तुम्ही वापरत असलेल्या कम्प्युटरचं अँण्टी व्हायरस, ब्राऊजरची व्हर्जन अप टू डेट ठेवा. कारण या अपडेट्समध्ये वेळोवेळी त्या-त्या वेळचे बग फिक्सेस, सिक्युरिटी अपडेट्स मिळत असतात. जुनी व्हर्जन वापरत राहिलात तर नवीन धोक्यांपासून संरक्षण मिळणार नाही.
Https
वेब अँड्रेसच्या www च्या आधी येणारी ही अक्षरं. Https असणार्‍या वेबसाइट्स या फक्त Httpवाल्या वेबसाइट्स तुलनेत जास्त सुरक्षित असतात. त्यामुळे ऑनलाइन व्यवहार करताना ती वेबसाईट Https सिक्युअर्ड आहे का, ते पाहा.
पासवर्ड
तुमचा ई मेल अकाउंट, बँक अकाउंट, ऑनलाइन ट्रान्झ्ॉक्शन यासाठी युनिक पासवर्ड ठेवा. सहसा तुमच्या जवळच्या व्यक्तींनाही ओळखता येणार नाही, असा पासवर्ड असावा. शिवाय ठरावीक कालावधीने हे पासवर्ड बदलत राहा. अनेकांना आपला अकाउंट नंबर आणि पासवर्ड आपल्या ईमेलच्या मेसेज ड्राफ्टमध्ये लिहून ठेवण्याची सवय असते. हे धोकादायक ठरू शकतं. जर कोणी तुमचा ईमेल हॅक केला, तर बाकीचा डेटा आयता त्यांच्या हातात पडेल.
पासवर्ड मॅनेजर अँप
वेगवेगळे पासवर्ड लक्षात ठेवणं कठीण जात असेल, तर फोनवर लास्टपास किंवा वनपासवर्डसारखी पासवर्ड मॅनेजर अँप इन्स्टॉल करा. यामुळे तुम्हाला तुमचे सगळे पासवर्ड्स मॅनेज करणं सोपं जाईल.
- अमृता दुर्वे