व्हॉलिबॉल

व्हॉलिबॉल : राज्य विजेत्या नागपूर संघांचा गौरव
नागपूर : कोल्हापूर जिल्ह्यातील कुरंदवाड येथे झालेल्या ४६ व्या राज्य अजिंक्यपद व्हॉलिबाल स्पर्धेत विजेतेपदाचे मानकरी ठरलेल्या नागपूर जिल्हा महिला आणि पुरुष संघातील खेळाडूंना नागपूर जिल्हा व्हॉलिबॉल संघटनेच्यावतीने गौरविण्यात आले.
नागपूर जिल्हा आणि राज्य संघटनेचे अध्यक्ष तसेच व्हॉलिबॉल फेडरेशनचे उपाध्यक्ष विजय डांगरे यांनी खेळाडूंचा सत्कार केला. यावेळी जिल्हा संघटनेचे उपाध्यक्ष पी. एस. पंत, राजू ढोबळे, सचिव सुनील लांडे, सदस्य अरुण टिकले, अरविंद गवई, के. आर. नायडू यांची प्रामुख्याने उपस्थिती होती.
नागपूर जिल्हा पुरुष संघात मॅन ऑफ द टूर्नामेंट ठरलेला नीलेश मत्ते, सौरभ रोकडे, सागर सगदेव, विशाल लारोकर, पार्थ तिवारी यांचा तसेच महिला संघात स्पर्धेत उत्कृष्ट खेळाडूचा पुरस्कार पटकाविणारी भाग्यश्री धार्मिक, बेस्ट लिफ्टर दीक्षा देवळकर,जयश्री ठाकरे, सिमरन चौधरी, सपना मेश्राम यांचा समावेश होता.(क्रीडा प्रतिनिधी)
....................................................................................