पवन देशपांडे / ऑनलाइन लोकमतमुंबई, दि. २१ : किराणा दुकानात बसणं, फावल्या वेळात क्रिकेट एके क्रिकेट खेळणं. आयुष्याचं ध्येय काय? तर वकार युनुससारखी बॉलिंग जमायला हवी. पाकिस्तान ही त्याची फेव्हरिट क्रिकेट टीम. अन् फास्ट बॉलर व्हायचं हे स्वप्न. सचिन तेंडुलकर अन ख्रिस गेल हे दोघे आवडते क्रिकेटपटू. गल्लीतल्या क्रिकेट टीममध्ये तो तिसऱ्या क्रमांकावर खेळायचा अन् फास्ट बॉलिंग करायचा. फुटबॉलही त्याचा जीव की प्राण. आजही त्याला कोणी जर फुटबॉलची ऑफर केली तर तो नाही म्हणू शकणार नाही. पण तो बनला धावपटू. सगळ्या आवडी बाजूला ठेवून वेगळ्याच क्षेत्रात करिअर घडवलं. तेही इतक्या टोकाचं की तो जगातला सर्वांत वेगवान धावपटू बनला. हा धावपटू म्हणजे नेहमी नवे विक्रम प्रस्थापित करणारा जमैकाचा उसैन बोल्ट.रिओ ऑलिम्पिकमध्ये ठरवलेली यशाची शिखरं सहज सर केल्यानंतर बोल्टने स्पर्धात्मक खेळांतून निवृत्ती जाहीर केली आहे. रिओ ऑलिम्पिक सुरु होण्यापूर्वी बोल्टने म्हंटले होते की, तो आपल्या शेवटच्या ऑलिम्पिकमध्ये ह्यस्प्रिंट स्वीपह्ण करण्याचे त्याचे स्वप्न आहे. बोल्टने येथे १00 मीटर, २00 मीटर आणि ४ बाय ४00 रिलेचे सुवर्णपदक जिंकले आहे. या तिन्ही शर्यतीत बीजींग आणि लंडन ऑलिम्पिकनंतर सलग तिसऱ्यांदा ऑलिम्पिक हॅटट्रीक आहे. जाणून घेऊयात बोल्टबद्दल..बोल्ट जन्मला तो प्रदेश जंगलाचा़ जमैकातलं शेरवूड कंटेंट हे त्याचं जुळं शहऱ त्याला एक बहीण अन् एक भाऊ़ त्याच्या वडिलांचे ग्रामीण भागात छोटं किराणा दुकान होतं. बोल्टला क्रिकेटची जास्त आवड होती़ सचिन तेंडुलकर, ख्रिस गेलचा तो चाहता होता आणि वकार युनुससारखी बॉलिंग त्याला करायची होती़ पण ज्या शाळेत तो गेला तिथं त्याला धावण्याची संधी मिळाली आणि तो त्यात पहिला आला़ करिअरला कलाटणी मिळण्यासाठी एवढी स्पर्धा पुरेशी ठरली़ त्यानंतर तो कधीच थांबला नाही़ त्याचा सराव एवढा अवघड असतो की सर्वसामान्यांनी त्याचा विचारही करू नये. तो जेव्हा धावतो तेव्हाच त्याच्या अंगातील क्षमता दिसून येते़ सारे धावपटू काही मीटरवर मागे असताना हा फिनिशिंग लाइनला पोहोचलेला असतो आणि बाजूला हसून बघत असतो़ घरातला लाडका होता आणि घरचे म्हणतील तसं ऐकायचा़ त्यामुळं त्याला फारशा वाईट सवयी लागल्या नाहीत, असं म्हणतात़ पण त्याच्यावर कायमच डोपिंगचा आरोप होत आला आहे़ जेव्हा जेव्हा त्यानं विक्रम प्रस्थापित केला तेव्हा तेव्हा त्यानं उत्तेजकं घेतल्याचे आरोप झाले आहेत़ पण त्यानं तो अजिबात डगमगला नाही़ कारण ह्यह्यज्या गावीच जायचे नाही त्याबाबत विचार तरी कशाला करायचाह्णह्ण, असं तो म्हणतो़ त्याचे प्रशिक्षक ग्लेन मिल्सही अशा उत्तेजकांच्या विरोधात होते़ त्यांनी डोपिंग चाचणी करणाऱ्यांनाही आव्हान दिलं होतं. बोल्टच्या सगळ्या टेस्ट तुम्ही घेऊ शकता, तो उत्तेजकं घेत नसल्याचंच सिद्ध होईल, असं ग्लेन यांनी एकदा म्हटलंही होतं. ऑलिम्पिकच्या आधी बोल्टच्या चार चाचण्या झाल्या आणि ज्या पदार्थांवर बॅन आहे असे कोणतेही उत्तेजक पदार्थ त्याच्या शरीरात आढळले नाहीत़ आम्ही मेहनत करतो़ ती पण जिवापाड़ अशा गोष्टींवर अवलंबून राहत नाही़ तुम्ही कोणत्याही क्षणी आमची चाचणी घ्या, असं बोल्टने स्पष्ट केलं होतं डोपिंगच्या चुकीच्या बातम्यांमुळे बोल्टला आपला प्रायोजकही गमवावा लागला़ पण त्याला फारसा फरक पडला नाही़ कारण बाकी प्रायोजक रांगेत उभे होतेच़ बोल्ट आता खेळताना दिसणार नाही. धावण्याच्या शर्यतीत बोल्टला पाहता येणार नाही पण, या त्याने गाठलेली शिखरं पार करणं हेच पुढील पिढीसाठी आव्हान असेल़
बोल्ट ४०० कोटींचा मालक
सुवर्णपदकं कमी जिंकूनही बोल्टला मिळणाऱ्या जाहिरातदार कंपन्यांचे काँट्रॅक्ट अधिक आहेत़. प्युमासारखी कंपनी बोल्टसाठी जवळपास ९० लाख डॉलर खर्च करते़ दरवर्षी तो १३० कोटी रुपयांची कमाई करतो आणि सध्या त्याच्याकडे सुमारे ४०० कोटी रुपयांची मालमत्ता आहे़ .