आॅलिम्पिक दृष्टीने हा दौरा महत्त्वाचा

कॅनडा येथे होणाऱ्या जागतिक सॉफ्टबॉल अजिंक्यपद स्पर्धेत प्रथम सहभागी होणाऱ्या भारताच्या पुरूष संघास सोमवारी केंद्रिय क्रीडामंत्री विजय गोयल

नवी दिल्ली : कॅनडा येथे होणाऱ्या जागतिक सॉफ्टबॉल अजिंक्यपद स्पर्धेत प्रथम सहभागी होणाऱ्या भारताच्या पुरूष संघास सोमवारी केंद्रिय क्रीडामंत्री विजय गोयल यांनी सराव शिबिरात जाऊन शुभेच्छा दिल्या. ही स्पर्धा ७ ते १६ जुलै दरम्यान होणार आहे. क्रीडा प्रेमीं गोयल यांनी आपल्या फेसबुक वरुनही प्रथमच विश्वचषक स्पर्धेत भाग घेणाऱ्या भारतीय संघाला स्वत: शुभेच्छा देवुन खेळाडू, प्रशिक्षक यांचा उत्साह वाढविला. १७ खेळाडूंच्या संघात महाराष्ट्रातील ३ खेळाडूंचा सहभाग आहे हे महत्वाचे.संघ पुढीलप्रमाणे : प्रणव दंडादे, पियूष अंबुलकर (दोघे महाराष्ट्र), सुबोध चौरसिया, प्रवीण दवे (दोघे मध्यप्रदेश ), हरसिमरत सिंह सेहगल, ध्रुव दत्ता (दोघे दिल्ली ), किशन महानंद, सुनील राज , दीपक कुमार, हितेश कुमार (सर्व छत्तीसगढ़ ), साहिल गोयल, जगविंदर सिंह (दोघे पंजाब ), अजमल असरफ, विनीत आचार्यान (दोघे केरळ ), सुमित शर्मा (चंडीगढ़ ), जगदीश मंगला ( आंध्रप्रदेश ), चिराग सागवान ( हरियाणा ); मुख्य व्यवस्थापक : प्रविण अनावकर (इंदौर), व्यवस्थापक : आर. एल. मौर्य (दिल्ली), प्रशिक्षक : सिकंदर कुरील ( मध्यप्रदेश ), चेतन महाडिक (महाराष्ट्र ), प्रदीप कुमार (छत्तीसगढ़ )आगामी टोकियो आॅलिम्पिकच्या दृष्टीने हा दौरा आमच्यासाठी महत्त्वाचा आहे. जागतिक स्पर्धेत अव्वल संघ सहभागी होत आहेत. त्यांच्याविरुद्ध खेळण्याची संधी आम्हाला मिळणार आहे. - चेतन महाडिक