मेडेलिन : भारतीय तिरंदाज स्वामी दुधवाल हिचे तिरंदाजी वर्ल्डकपच्या चौथ्या सत्राच्या उपांत्यपूर्व फेरीत शुक्रवारी आव्हान संपुष्टात आले.स्वामी दुधवालला महिला कंपाऊंड वैयक्तिक स्पर्धेत मेक्सिकन खेळाडूकडून १३६-१३९ असा पराभव पत्करावा लागला. याच गटात अन्य भारतीय खेळाडू जयलक्ष्मी सारीकोंडा तिसऱ्या फेरीच्या पुढे पोहोचू शकली नाही. तिला अमेरिकेच्या पेज पीयर्सने १४२-१३८ असे पराभूत केले.रिकर्व्ह महिला वैयक्तिक स्पर्धेत सतबीर कौर व प्रणिता वर्धनेनी हिने तिसरी फेरी गाठली; परंतु त्यापुढे ती जाऊ शकली नाही. सतबीरला हांग सुनामने 0-६ तर प्रणिताला ली चिएन यिएंगने २-६ अशी मात दिली. पुरुषांच्या रिकर्व्ह वैयक्तिक स्पर्धेत अतुल वर्मा आणि धनीराम बासुमात्रेदेखील चौथी फेरी गाठू शकले नाही. वर्माला चीनच्या शिंग यूने ०-६ आणि बासुमात्रेला दक्षिण कोरियाच्या आयएम डोंग हुएन याने २-६ असे नमवले. (वृत्तसंस्था)
स्वामीचे तिरंदाजी वर्ल्डकपमधील आव्हान संपुष्टात
By admin | Updated: September 12, 2015 03:12 IST