सिंधू, श्रीकांत दुसर्‍या फेरीत

जागतिक बॅडमिंटन स्पर्धा : भारताची पी. व्ही. सिंधू आणि किदांबी श्रीकांतने आपापल्या प्रतिस्पर्ध्यांचा पराभव करून अनुक्रमे महिला व पुरुष गटाच्या जागतिक बॅडमिंटन अजिंक्यपद स्पर्धेच्या दुसर्‍या फेरीत प्रवेश केला.
या स्पर्धेत दोन वेळा (२०१३ व २०१४) कांस्यपदक जिंकलेल्या ११ व्या मानांकित सिंधूने चुरशीच्या झालेल्या लढतीत डेन्मार्कच्या लाइन जार्सफेल्टचा ११-२१, २१-१७, २१-१६ गुणांनी पराभव करीत दुसर्‍या फेरीतील आपली जागा निि›त केली. विश्व क्रमवारीत १३ व्या नंबरवर असलेली सिंधू या सत्रात दुखापतीमुळे त्रस्त होती. तिसर्‍या फेरीत बाय मिळालेली सिंधू उपउपांत्यपूर्व फेरीत ऑलिम्पिक विजेती व नंबर वन खेळाडू चीनची ली शुएरुईिवरुद्ध खेळेल.
विश्व क्रमवारीत तिसर्‍या क्रमांकावर असलेल्या भारताच्या श्रीकांतने पुरुष एकेरीत ऑस्ट्रेलियाच्या मायकल फरिमनला २१-१०, २१-१३ गुणांनी फक्त २४ मिनिटांत नमवून दुसर्‍या फेरीत प्रवेश केला. इंडियन ओपन विजेता श्रीकांतला पुढच्या फेरीत चिनी तैपेईच्या सू जेन हाओविरुद्ध खेळावे लागणार आहे.
-----
चौकट : सिंधूला पहिल्या सुरुवातीपासून कडवे आव्हान देत विश्व क्रमवारीत ३५ व्या नंबरवर असलेल्या लाइनने ६-० अशी आघाडी घेत पहिली गेम सहज जिंकली. दुसर्‍या गेममध्ये सिंधूने उत्कृष्ट खेळाचे प्रदर्शन करीत ५-२ अशी आघाडी घेतली. पण लाईनने ७-७ अशी बरोबरी साधली. सिंधूने नंतर काही नेत्रदीपक प्लेसिंग नेट जवळ करीत गेम जिंकली. तिसर्‍या गेममध्ये लाइनने ४-१ अशी आघाडी घेतली; पण ही आघाडी लाइनला जास्त टिकविता आली नाही. सिंधूने जोरदार शॉट मारून आणि प्लेसिंग करीत सलग चार गुण घेत बरोबरी तर साधलीच; पण नंतर आघाडी घेत गेम जिंकली.
----------- (वृत्तसंस्था)
===============================