शालेय फुटबॉल

फुटबॉल : सिंधू कॉलेज, म. गांधी हायस्कूल विजयी
नागपूर : सिंधू महाविद्यालय आणि म. गांधी सेंटेनियल हायस्कूल संघांनी जिल्हा क्रीडा अधिकारी कार्यालयातर्फे पोलीस लाईन टाकळी मैदानावर आयोजित १९ वर्षे गटाच्या शालेय फुटबॉल स्पर्धेत सोमवारी चमकदार विजयाची नोंद केली.
सिंधू कॉलेजने एमकेएम संचेती ज्युनियर कॉलेजचा ४-० ने सहज पराभव केला. विजयात खिजेर खान पाचव्या, प्रणय सोयम सातव्या, मोहम्मद आसिफ ११ व्या आणि मोहम्मद कठाळे याने २७ व्या मिनिटाला गोल केले.
म. गांधी हायस्कूलने दुसऱ्या सामन्यात पीडब्ल्यूएस ज्युनियर कॉलेजचा २-० ने पराभव केला. विजयात कृष्णा शाही याने आठव्या आणि शिवकुमार कालरो याने ३७ व्या मिनिटाला गोल केला.
१७ वर्षे गटात सेंट मायकेल आणि सांदिपनी स्कूलने अंतिम फेरी गाठली. पहिल्या उपांत्य सामन्यात सेंट मायकेलने किदवई स्कूलचा टायब्रकेरद्वारा ५-१ ने पराभव केला. निर्धारित वेळेत दोन्ही संघ १-१ ने बरोबरीत राहील्यानंतर टायब्रकेरचा अवलंब करण्यात आला. सेंट मायकेलकडून कुशल रामेली, शेख शाहीद, मल्विन जोसेफ, नीलेश शेंद्रे, करण बोरीकर यांनी गोल केले. किदवईकडून मोहम्मद युसूफ याने एकमेव गोल नोंदविला. दुसऱ्या उपांत्य सामन्यात सांदिपनी संघाने सेंट विन्सेंट पालोटी संघाचा टाय ब्रकेरमध्ये ४-१ ने पराभव केला. सांदिपनीकडून अथर्व सदावर्ते, अक्षत हांडा, रितिक दुरुगकर व तबिश अहमद यांनी अचूक वेध घेत गोल नोंदविले. पालोटी संघाकडून पीयूष तिवारी हा गोल नोंदविण्यात यशस्वी ठरला.(क्रीडा प्रतिनिधी)