ऑनलाइन टीम
सिडनी, दि. २९- भारताची स्टार बॅडमिंटनपटू सायना नेहवालने ऑस्ट्रेलियन ओपन स्पर्धेच्या अंतिम फेरीत स्पेनच्या कॅरोलिना मारियाचा सहज पराभव करत ऑस्ट्रेलियन ओपनचे विजेतेपद पटकावले. सायनाने मारियाचा २१-१८, २१-११ ने पराभव केला. सायनाचे यंदाच्या मोसमातील हे सलग दुसरे विजेतेपद आहे.
ओस्ट्रेलियन ओपनमध्ये चीनच्या शिजियान वांगचा पराभव करत अंतिम फेरीत धडक मारणा-या सायनाने रविवारी झालेल्या अंतिम सामन्यात सुरुवातीपासून आक्रमक खेळी केली. सायनाने मारिनचा धूव्वा उडवत सिडनीत भारताचा विजयी झेंडा रोवला. या स्पर्धेत विजय मिळवणा-या सायनाला साडे सात लाख डॉलर्स पुरस्कार राशी देण्यात आली.