न्यूयॉर्क : महान फलंदाज सचिन तेंडुलकरची खेळावरची निष्ठा, त्याची विनम्रता आणि इतर लोकांसाठी असलेली आत्मीयता यांमुळेच तो माझ्यासाठी देवासमान असल्याचे भारतीय एकदिवसीय क्रिकेट संघाचा कर्णधार महेंद्रसिंह धोनीने उत्तर अमेरिका बिहार-झारखंड संघाच्या वतीने आयोजित सत्कार समारंभात सांगितले.
सचिन सर्वासाठी एक चांगला आदर्श आहे. त्याला पाहूनच आम्ही मोठे झालो. सचिन जेव्हा-जेव्हा मैदानात उतरत असे, तेव्हा एका क्रिकेटरच्या भूमिकेत नेहमी सुधारणा करताना आम्ही त्याला पाहिले आहे, असेही तो म्हणाला.