प्योंगयांग : भारतीय महिला फुटबॉल संघाला सोमवारी एएफसी आशिया कप क्वालिफायर्सच्या सलामी लढतीत उत्तर कोरियाविरुद्ध मोठ्या फरकाने पराभव स्वीकारावा लागला. उत्तर कोरियाने भारताचा ८-० ने धुव्वा उडवला. उत्तर कोरियाने ‘ब’ गटात खेळल्या गेलेल्या या लढतीत वर्चस्व गाजवले. उत्तर कोरियातर्फे उन योंगने सातव्या मिनिटाला गोल नोंदवत संघाचे खाते उघडले. त्यानंतर सहा मिनिटांनी क्योंग यांगने दुसरा गोल नोंदवला. री यांग सिमने २१ व्या मिनिटाला तिसरा तर त्यानंतर काही वेळाने किंग प्योंग ह्वाने चौथा गोल केला. उत्तर कोरियाने दुसऱ्या सत्रातही कामगिरीत सातत्य राखले. वी ज्योंग सिमने सलग गोल करीत हॅट््ट्रिक नोंदवली. (वृत्तसंस्था)
उत्तर कोरियाकडून भारतीय महिला फुटबॉल संघ पराभूत
By admin | Updated: April 4, 2017 00:47 IST