नेरेमध्ये कुस्तीचे घमासान

५०० पैलवान थोपटणार दंड : २१ लाखांच्या रोख रकेमचा पुरस्कार
मुंबई : श्री हनुमान व्यायाम मंडळाने येत्या १७ फेब्रुवारीला पनवेलच्या नेरे गावात कुस्तीची दंगल आयोजित केली आहे. तब्बल ५०० पैलवानांचे लाल मातीतल्या कुस्तीचे घमासान रंगणार आहे. दम काढणार्‍या या दंगलीत पैलवानांवर २१ लाखांच्या रोख रकमेचा वर्षाव केला जाणार आहे.
महाराष्ट्र केसरी विजय चौधरीसह अनेक दिग्गज पैलवान आपला जोर दाखवायला पनवेल गाठतील. या दंगलीत कोल्हापूर, सांगली, सातारा, पुणे, मुंबईसारख्या अनेक जिल्‘ांमधून मोठ्या संख्येने पैलवान येणार आहेत. पहिल्या क्रमांकाच्या अडीच लाखांच्या रोख पुरस्काराच्या कुस्तीसाठी विजय चौधरीला प्राचीन कुस्ती स्पर्धेचा विजेता किरण भगतचे कडवे आव्हान असेल. दुसर्‍या क्रमांकाच्या कुस्तीत पुण्याचा योगेश पवार आणि कोल्हापूरचा मारुती जाधव एकमेकांशी भिडतील. ही कुस्ती दोन लाखांची आहे.