नॅशनल गेम्स

साजन प्रकाश, रजिना किरो उत्कृष्ट खेळाडू
राष्ट्रीय क्रीडा स्पर्धा : देशातील नऊ हजार खेळाडूंचा सहभाग
तिरुअनंतपुरम : केरळचा अव्वल जलतरणपटू साजन प्रकाश आणि अंदमान-निकोबारची रजिना किरो यांना ३५ व्या राष्ट्रीय क्रीडा स्पर्धेत अनुक्रमे पुरुष व महिला गटातील सवार्ेत्कृष्ट खेळाडू घोषित करण्यात आले. १४ दिवस चाललेल्या या स्पर्धेत देशातील ९ हजार खेळाडूंनी ४१२ विविध क्रीडाप्रकारांत १,३६३ पदकांसाठी झुंज दिली.
या स्पर्धेत साजन प्रकाशने ६ सुवर्णपदकांसह एकूण ८ पदके जिंकली. महिला गटात रजिनाने ५ सुवर्णपदकांसह एकूण ६ पदके जिंकली. रांची येथे २०११मध्ये झालेल्या राष्ट्रीय स्पर्धेत महाराष्ट्राच्या खेळाडूंनी केलेल्या उत्कृष्ट कामगिरीची पुनरावृत्ती करता आली नाही. महाराष्ट्राला या स्पर्धेत ३० सुवर्ण, ४३ रौप्य व ५० कांस्य पदके जिंकून चौथ्या क्रमांकावर समाधान मानावे लागले. (वृत्तसंस्था)