मोटर रेसिंग

रायसोनी- वारा मोबाईक
रेसिंग स्पर्धेला उत्स्फूर्त प्रतिसाद
नागपूर : रायसोनी अचिव्हर्स- वारा (विदर्भ ऑटोमोटिव्ह रेसिंग असोसिएशन)आंतर महाविद्यालयीन मोबाईक रेसिंग स्पर्धेला उत्स्फूर्त प्रतिसाद मिळत आहे. हिस्लॉप कॉलेज मैदानावर २१ ते २३ डिसेंबर या कालावधीत पुरुष व महिला गटात स्पर्धेचे आयोजन करण्यात येत आहे. स्थानिक बाईक रेसर्सना प्रोत्साहन देण्यासाठी आयोजित करण्यात आलेल्या मध्यभारतातील पहिल्या स्पर्धेत प्रवेश नि:शुल्क राहील.
रविवारी सहभागी स्पर्धकांची शारीरिक क्षमता चाचणी आणि वाहनांची चाचणी घेतली जाईल. त्यानंतर २२ ला पात्रता फेरी होणार आहे. अंतिम रेसचे आयोजन २३ ला सकाळपासून होणार असून दुपारी ४ वाजता अंतिम फेरी आणि पुरस्कार वितरण होणार आहे. अधिक माहितीसाठी इच्छूकांनी वारा कार्यालय लिबर्टी सिनेमाजवळ किंवा रायसोनी महाविद्यालयात संपर्क करावा, असे वाराचे अध्यक्ष मेहरनोश मवालवाला यांनी कळविले आहे.(क्रीडा प्रतिनिधी)
............................................................