मंदार दिवसेची पुन्हा सुवर्णमय कामगिरी  

अमेरिकेतील लॉस एंजेलिस येथे सुरू असलेल्या विश्व पोलीस व फायर क्रीडा स्पर्धेत मूळचा कोल्हापूरचा; पण सीमा सुरक्षा दलात अधिकारी असणाºया जलतरणपटू मंदार दिवसेने शुक्रवारी मध्यरात्री झालेल्या जलतरण स्पर्धेत एक सुवर्ण, दोन रौप्य, एक कांस्यपदकाची कमाई केली.

कोल्हापूर : अमेरिकेतील लॉस एंजेलिस येथे सुरू असलेल्या विश्व पोलीस व फायर क्रीडा स्पर्धेत मूळचा कोल्हापूरचा; पण सीमा सुरक्षा दलात अधिकारी असणाऱ्या  जलतरणपटू मंदार दिवसेने शुक्रवारी मध्यरात्री झालेल्या जलतरण स्पर्धेत एक सुवर्ण, दोन रौप्य, एक कांस्यपदकाची कमाई केली.मंदारने शुक्रवारी मध्यरात्री झालेल्या ४०० मीटर व १५०० मीटर फ्रीस्टाईलमध्ये एक सुवर्ण, एक रौप्य व रिले स्पर्धेत कांस्य अशी कमाई केली. त्यांच्या खात्यात स्पर्धेतील प्रत्येकी तीन सुवर्ण, रौप्य व एक कांस्य अशी सात पदके जमा झाली आहेत. अजून त्याचे ८०० व २०० मीटर फ्री स्टाईल आणि रिले हे स्पर्धा प्रकार बाकी आहेत. त्यातूनही देशवासीयांना पदकाची अपेक्षा आहे.