शहरं
Join us  
Trending Stories
1
'हम दो हमारे तीन', प्रत्येक कुटुंबात तीन मुले असावीत': आरएसएस प्रमुख मोहन भागवत
2
संगमनेरचे आमदार अमोल खाताळ यांच्यावर हल्ला, सुरक्षारक्षकांनी हल्लेखोर तरुणाला घेतले ताब्यात
3
डॉन ‘डॅडी’ला जामीन मंजूर, पण शुक्रवारी सुटकेची शक्यता कमीच
4
ना बनवणार, ना विकणार! 'या' ८ जिल्ह्यांमध्ये फटाक्यांवर बंदी; नियमांचे पालन न केल्यास ५ वर्षांचा तुरुंगवास
5
भाजप आणि RSS मध्ये कुठलाही वाद नाही; संघप्रमुख मोहन भागवतांची स्पष्टोक्ती
6
कोल्हापुरातील शेतकऱ्यांना शक्तिपीठ महामार्गाबाबत दिलासा? राज्य सरकारने दिले आदेश; वाचा सविस्तर
7
नाशिकच्या देवळाली कॅम्पजवळ सैनिकाचे हँग ग्लायडर एका घरावर कोसळले; सरावादरम्यान दुर्घटना
8
नागपूर महामेट्रोच्या वित्त संचालकांना सायबर गुन्हेगारांकडून गंडा, गुगलवर बँकेचा नंबर शोधणे पडले महागात
9
Vidarbha Rain Alert: विदर्भातील 'या' जिल्ह्यांमध्ये पावसाचा जोर वाढणार, IMD ने दिला सतर्कतेचा इशारा
10
अथर्व सुदामेनंतर आता डॅनी पंडितने शेअर केलेल्या रीलची चर्चा, दिला हिंदू-मुस्लीम ऐक्याचा संदेश
11
‘पोक्सो’ प्रकरणात आरोपी कुकला २० वर्षे सक्तमजुरी, प्रमुख जिल्हा व सत्र न्यायालयाचा निकाल
12
विश्वासघातकी पक्षांनी 'समृद्ध उत्तर प्रदेश' ही ओळखच मिटवली; CM आदित्यनाथ यांचा सपा, काँग्रेसवर हल्ला
13
Video: उपमुख्यमंत्री एकनाथ शिंदे राज ठाकरेंच्या 'शिवतीर्थ'वर दाखल; गणपती बाप्पाचं घेतलं दर्शन
14
जगभरात सर्वात वेगवान इंटरनेट असणारे १० देश; भारत कितव्या स्थानावर, जाणून घ्या
15
भयावह! हुंड्यासाठी जाळून मारणाऱ्या निक्कीच्या वडिलांनाही पैशांची हाव; सुनेचा गंभीर आरोप
16
पवनारातून होणार शक्तिपीठ महामार्गाची पायाभरणी, शासनाचा आदेश निघाला!
17
वीज कोसळून २९ शेळ्यांचा जागीच मृत्यू, रखवालदार बचावले; जैतापूर गावातील घटनेने खळबळ
18
तब्बल ७०० किलोमीटर दूर गर्लफ्रेंडला भेटायला गेला, पण तिने बॉयफ्रेंडसोबत जे केलं ते ऐकून बसेल धक्का!
19
जपानमध्ये स्मार्टफोनवर निर्बंध! मोबाईल दिवसातून फक्त २ तास वापरू शकता, नियम काय आहेत?
20
हायवाच्या धडकेत रिक्षाचा चक्काचूर, सहा जण जागीच ठार; गावावर कोसळला दुःखाचा डोंगर

भारताचा लाजिरवाणा पराभव

By admin | Updated: June 19, 2015 02:23 IST

बांगलादेश दौऱ्याच्या माध्यमातून यंदाच्या मोसमाचा श्रीगणेशा करणाऱ्या टीम इंडियाची अखेर पराभवाने सुरुवात झाली. तुलनेने दुबळ्या

मिरपूर : बांगलादेश दौऱ्याच्या माध्यमातून यंदाच्या मोसमाचा श्रीगणेशा करणाऱ्या टीम इंडियाची अखेर पराभवाने सुरुवात झाली. तुलनेने दुबळ्या असलेल्या बांगलादेशने प्रथम फलंदाजी करताना ३०७ धावांची मजल मारल्यानंतर बलाढ्य भारताचा डाव केवळ २२८ धावांवर संपुष्टात आणून ७९ धावांनी शानदार बाजी मारली. या विजयासह तीन एकदिवसीय सामन्यांच्या मालिकेत यजमानांनी १-० अशी आघाडी घेतली आहे. मुस्तफीजूर रहमान याने ५० धावांत ५ बळी घेताना भारतीयांचे कंबरडे मोडले.शेर-ए-बांगला राष्ट्रीय स्टेडियमवर झालेल्या या सामन्यात बांगलादेशने दिलेल्या ३०८ धावांच्या लक्ष्याचा पाठलाग करताना भारतीय फलंदाज सुरुवातीपासूनच अडखळताना दिसले. भलेही रोहित शर्मा - शिखर धवन यांनी ९५ धावांची सलामी दिली असली, तरी ते बांगला माऱ्यापुढे अक्षरश: चाचपडत होते. शर्मा - धवन यांचे फटके लागत नसल्याने भारताच्या धावसंख्येला खीळ बसली होती. शर्माने सर्वाधिक ६३ धावांची खेळी करताना भारताकडून अपयशी झुंज दिली. यासाठी त्याने ६८ चेंडूंचा सामना करताना केवळ ४ चौकार व एक षटकार खेचला, तर धवन ३८ चेंडंूत ३ चौकांरासह ३० धावा काढून परतला. भरवशाचा विराट कोहली (१), अजिंक्य रहाणे (९), कर्णधार महेंद्रसिंह धोनी (५) स्वस्तात परतल्याने भारताच्या आव्हानातली हवाच निघून गेली. त्यातल्या त्यात सुरेश रैना (४० चेंडंूत ४० धावा) आणि अष्टपैलू रवींद्र जडेजा (४२ चेंडंूत ३२ धावा) यांनी थोडाफार प्रतिकार केल्याने भारताचा पराभव लांबला. तसेच तळाला भुवनेश्वर कुमार (नाबाद २५) आणि मोहित शर्मा (११) यांनी कडवा प्रतिकार केला.रहमान व्यतिरिक्त तस्कीन अहमद आणि शाकीब अल हसन यांनी प्रत्येकी २ बळी घेतले. तर, कर्णधार मुशर्रफ मूर्तझा याने एक बळी घेताना बांगलादेशच्या शानदार विजयावर शिक्कामोर्तब केले.तत्पूर्वी बांगलादेश संघाचा कर्णधार मुशर्रफी मुर्तझाने नाणेफेक जिंकून फलंदाजी करण्याचा निर्णय घेतला. त्याचा हा निर्णय फलंदाजांनी योग्य ठरवला. सुरुवातीला त्यांच्या तमीम इक्बाल व सौम्या सरकार यांनी १०२ धावांची भक्कम भागीदारी करून संघाला चांगली सुरूवात करून दिली. त्यानंतर पावसाच्या व्यत्ययामुळे काही काळ खेळ थांबविण्यात आला. त्यानंतर बांगलादेशने २३ धावांच्या मोबदल्यात तीन विकेट गमावल्या. पण, शकिब (५२), शब्बीर रहमान (४१) व नासिर हुसेन (३४) यांनी बांगलादेशला आव्हानात्मक मजल मारून देण्यात महत्त्वाची भूमिका बजावली. शाकिब व शब्बीर यांनी पाचव्या विकेटसाठी ८३ धावांची भागीदारी केली. आश्विन भारतातर्फे सर्वाधिक यशस्वी गोलंदाज ठरला. त्याने ५१ धावांच्या मोबदल्यात ३ बळी घेतले. भुवनेश्वर कुमार व उमेश यादव यांनी प्रत्येकी २ बळी घेतले. तमीमने सुरुवातीला भारतीय गोलंदाजांवर वर्चस्व गाजवले. त्याने यादवच्या एका षटकात ३ चौकार व १ षटकार १८ धावा वसूल केल्या. भारतीय गोलंदाजांनी अखेरच्या सात षटकांत ५ बळी घेतले; पण बांगलादेशला ३०० धावांत रोखण्यात अपयश आले. (वृत्तसंस्था)धावफलक..बांगलादेश : तमीम इक्बाल झे. रोहित गो. आश्विन ६०, सौम्या सरकार धावबाद ५४, लिट्टन दास पायचित गो. आश्विन ८, मुशफिकर रहीम झे. रोहित गो. आश्विन १४, शाकीब अल हसन झे. जडेजा गो. उमेश ५२, शब्बीर रहमान त्रि. गो. जडेजा ४१, नासीर हुसेन झे. जडेजा गो. उमेश ३४, मशरफी मुर्तजा झे. रोहित गो. मोहित २१, रुबेल हुसेन झे. मोहित गो. भुवनेश्वर ४, तस्किन अहमद झे. कोहली गो. भुवनेश्वर २, मुस्ताफिजुर रहमान नाबाद ०. अवांतर : १७. एकूण : ४९.४ षटकांत सर्व बाद ३०७. बाद क्रम : १-१०२, २-१२३, ३-१२९, ४-१४६, ५-२२९, ६-२६७, ७-२८२, ८-२८६, ९-२९८. गोलंदाजी : भुवनेश्वर ७-०-३७-२, उमेश यादव ८-०-५८-२, आश्विन १०-०-५१-३, मोहित ४.४-०-५३-१, रैना १०-०-४०-०, जडेजा ८-०-४८-१, कोहली २-०-१२-०.भारत : रोहित शर्मा झे. मुशर्रफ मूर्तझा गो. मुस्तफिजूर रहमान ६३, शिखर धवन झे. मुशफिकिर रहिम गो. तस्किन अहमद ३०, विराट कोहली झे. मुशफिकिर रहिम गो. तस्किन अहमद १, अजिंक्य रहाणे झे. नासीर हुसेन गो. मुस्तफिजूर रहमान ९, सुरेश रैना त्रि. गो. मुस्तफिजूर रहमान ४०, महेंद्रसिंह धोनी झे. मुशफिकिर रहिम गो. शाकिब अल हसन ५, रवींद्र जडेजा झे. सौम्या सरकार गो. मुस्तफिजूर रहमान ३२, आर. अश्विन झे. मुशफिकिर रहिम गो. मुस्तफिजूर रहमान ०, भुवनेश्र्वर कुमार नाबाद २५, मोहित शर्मा झे. मुशफिकिर रहिम गो. मुशर्रफ मूर्तझा ११, उमेश यादव पायचीत गो. शाकिब अल हसन २; अवांतर : १०; एकूण : ४६ षटकांत सर्वबाद २२८; गोलंदाजी :मुस्तफिजूर रहमान ९.२-१-५०-५, तस्किन अहमद ६-१-२१-२, मुशर्रफ मूर्तझा १०-०-५३-१, रुबेल हुसेन ६-०-३६-०, नासीर हुसेन ६.४-०-३१-०, शाकिब अल हसन ८-०-३३-२