ऑनलाइन लोकमत
नवी दिल्ली, दि. ४ : भारतीय वन-डे संघाचा कर्णधार महेंद्रसिंग धोनीने विंडीज दौºयासाठी रवाना होणाºया भारतीय संघाला शुभेच्छा दिल्या. संघात उत्साह असल्यामुळे निश्चितच यश मिळेल, असेही धोनी म्हणाला.
धोनीने सांगितले,‘संघ सध्या शानदार फॉर्मात असून खेळाडूंमध्ये विजय मिळवून देण्याची क्षमता आहे. संघातील प्रत्येक खेळाडू विंडीज दौ-यात संघाला विजय मिळवून देण्यास उत्सुक आहे. खेळाडूंनी दडपण न बाळगता खेळाचा आनंद घ्यायला पाहिजे.’
धोनी पुढे म्हणाला,‘संघातील अनेक युवा खेळाडू प्रथमच विंडीज दौ-यावर जात आहेत. त्यांच्यावर निश्चितच दडपण राहील, पण दडपण झुगारून नैसर्गिक खेळ करायला हवा. कसोटी संघात अनेक प्रतिभावान खेळाडू सहभागी झाले आहेत. त्यांची कामगिरीही उल्लेखनीय ठरली आहे. संघात फलंदाज व गोलंदाजांची मोठी यादी असून विंडीज दौ-यात संघाची कामगिरी उल्लेखनीय ठरेल, असा विश्वास आहे.’
युवा खेळाडूंना प्रोत्साहन देताना धोनी म्हणाला,‘यश आणि अपयश खेळाचा एक भाग आहे, पण युवा खेळाडूंनी याचे दडपण न बाळगता नैसर्गिक खेळ करण्यावर भर देणे आवश्यक आहे. प्रतिभा असल्यानंतरही एखादी मालिका निराशाजनक ठरण्याची शक्यता असते, पण स्वत:वरील विश्वास कायम राखला तर भविष्यात निश्चितच यश मिळवता येते