जीसीएचा निकाल आज

पणजी : न्यायालयीन प्रक्रियेत अडकलेल्या गोवा क्रिकेट संघटनेच्या निवडणुकीचा निकाल गुरुवारी (दि. ९) संध्याकाळी ५ वा. संघटनेच्या कार्यालयात घोषित करण्यात यावा, असा निर्देश मुंबई उच्च न्यायालयाच्या गोवा खंडपीठाने बुधवारी दिला होता. त्यानुसार, हा निकाल घोषित केला जाईल. २८ जून रोजी झालेली गोवा क्रिकेट संघटनेची निवडणूक डॉ. शेखर साळकर यांच्या माघारीमुळेबिनविरोध झाली होती. मात्र, हा निकाल न्यायालयाने ६ जुलैपर्यंत राखून ठेवला होता. त्यानंतर साळकर यांनी प्रतिज्ञापत्र सादर करीत याचिका निकालात काढली. या निकालानंतर जीसीएची नवी समिती ताबा मिळवेल. तसेच चेतन देसाई यांच्या अध्यक्षपदावर शिक्कामोर्तब केला जाईल.