ऑनलाइन लोकमतब्रिजटाऊन, दि. 5 - शेनॉन गॅब्रियलने केलेल्या भेदक माऱ्याच्या जोरावर वेस्ट इंडिजने दुसऱ्या कसोटीत पाकिस्तानवर 106 धावांनी सनसनाटी विजय मिळवला. 188 धावांच्या आव्हानाचा पाठलाग करताना पाकिस्तानचा दुसरा डाव अवघ्या 81 धावांतच आटोपला
अवघ्या ८१ धावात गडगडला. या विजयाबरोबरच वेस्ट इंडिजने तीन कसोटी सामन्यांच्या मालिकेत 1-1 अशी बरोबरी साधली आहे.
पहिल्या डावात 79 धावांनी पिछाडीवर पडलेल्या वेस्ट इंडिजने दुसऱ्या डावात सर्वबाद 268 धावा फटकावत पाकिस्तानसमोर विजयासाठी 188 धावांचे आव्हान ठेवले होते. त्याचा पाठलाग करताना सरफराज आणि मो. आमीरचा अपवाद वगळता पाकिस्तानच्याअन्य फलंदाजानी गॅब्रिअलसमोर नांगी टाकली. गॅब्रिअलने पाच बळी टिपले. पाकिस्तानकडून सर्वाधिक 23 धावा सर्फराझ अहमदने काढल्या. तर कर्णधार मिसबासह इतर 4 पाकिस्तानी फलंदाज शून्यावर बाद झाले.
संक्षीप्त धावफलक: विंडीज पहिला डाव: 312 आणि दुसरा डाव: 268
पाकिस्तान पहिला डाव : 393 आणि दुसरा डाव : 81