ऑनलाइन लोकमत -
नवी दिल्ली, दि. २३ - दिल्ली डेअरडेव्हिल्स संघ आज शनिवारी घरच्या मैदानावर मुंबई इंडियन्सविरोधात खेळत आहे. मुंबई इंडियन्सने टॉस जिंकून क्षेत्ररक्षणाचा निर्णय घेतला आहे. गतचॅम्पियन मुंबई इंडियन्सविरुद्ध खेळल्या जाणाऱ्या या लढतीत दिल्ली डेअरडेव्हिल्स मुंबई इंडियन्सला हरवून विजयाची हॅट्ट्रीक साधण्याचा प्रयत्न करेल.
सलामी लढतीत कोलकाताविरुद्ध पराभव स्वीकारणाऱ्या दिल्लीने त्यानंतर दमदार पुनरागमन करीत पंजाब व बंगळुरू संघांचा पराभव केला. तीन सामन्यांत चार गुणांची कमाई करणारा दिल्ली संघ गुणतालिकेत तिसऱ्या स्थानावर आहे तर मुंबई संघ दोन विजय व तीन पराभवासह पाचव्या स्थानी आहे.
मुंबईची आतापर्यंतची कामगिरी संमिश्र ठरली आहे. पंजाब व बंगळुरु विरुद्ध विजय मिळवणाऱ्या मुंबईला पुणे, गुजरात व हैदराबाद विरुद्ध पराभव स्वीकारावा लागला.
मुंबई इंडियन्स संघ:
रोहित शर्मा (कर्णधार), पार्थिव पटेल, रायडू, पांड्या, जोस बटलर, केरॉन पोलार्ड, कृणाल पांड्या, हरभजन सिंग, जसप्रीत बुमराह, मिशेल मॅक्क्लेनघन, टिम साऊदी.
दिल्ली डेअरडेव्हील्स संघ :
झहीर खान (कर्णधार), क्विंटन डीकॉक, श्रेयश अय्यर, संजू सॅमसन, करुण नायर, ड्युमिनी, पवन नेगी, ख्रिस मॉरीस, अमित मिश्रा, मोहम्मद शमी, इम्रान ताहीर,