ब्रिस्बेन / गोल्ड कोस्ट : पिस्तुल नेमबाज हिना सिद्धूने मंगळवारी नव्या स्पर्धा विक्रमासह सुवर्णपदक पटकावले, तर पॅरापॉवरलिफ्टर सचिन चौधरीने डोपिंग इतिहासाची पार्श्वभूमी मागे सोडताना कांस्यपदकावर नाव कोरले. २१ व्या राष्ट्रकुल स्पर्धेत भारताच्या सुवर्णपदक पटकावण्याची वाटचाल आज सहाव्या दिवशी काही अंशी संथ झाली.भारोत्तोलन स्पर्धा आता संपली असून कुस्ती स्पर्धेला अद्याप प्रारंभ झालेला नाही. बॉक्सर्स पदकांच्या शर्यतीत आहेत. त्यामुळे भारताला आज अधिक पदकांची कमाई करता आलेली नाही. पदकतालिकेत भारत यजमान आॅस्ट्रेलिया व इंग्लंड यांच्यानंतर तिसऱ्या स्थानी कायम आहे. ब्रिस्बेन बेलमोट शूटिंग सेंटरमध्ये भारतीय नेमबाजांकडून चमकदार कामगिरीची अपेक्षा व्यक्त करण्यात येत आहे, पण भारताची सुरुवात विशेष चांगली झाली नाही. कारण गगन नारंग व चैन सिंग पुरुषांच्या ५० मीटर रायफल प्रोनमध्ये पदक पटकावण्यात अपयशी ठरले. भारताला आज दुसरे पदक पॅरा पॉवरलिफ्टर चौधरीने मिळवून दिले. त्याने पुरुषांच्या हेवीवेट फायनलमध्ये १८१ किलो वजन पेलले. हे पदक त्याच्यासाठी संजीवनीप्रमाणे आहे. कारण २०१४ मध्ये डोपिंगमध्ये अडकल्यामुळे त्याच्यावर दोन वर्षांची बंदी घालण्यात आली होती.बॉक्सर्ससाठीही आजचा दिवस शानदार ठरला. भारताच्या पाचपैकी तीन खेळाडूंनी आपापल्या लढती जिंकून पदक निश्चित केले. एमसी मेरी कोम हिने ४८ किलो गटात आधीच उपांत्य फेरी गाठल्याने या खेळात किमान सहा पदके मिळतील, याची खात्री पटली. अॅथलेटिक्सच्या ४०० मीटर दौडमध्ये मोहम्मद अनस याला कांस्यपदकाने हुलकावणी देताच तो चौथ्या स्थानी राहिला. हिमा दास हिने महिलांच्या ४०० मीटर दौडमध्ये अंतिम फेरी गाठली. भारताच्या आशा आज बुधवारी असतील त्या नेमबाजांवर. दहा मीटरमध्ये सुवर्ण जिंकल्यानंतर जीतू राय ५० मीटर पिस्तुलमध्ये उतरणार आहे. बॅडमिंटनमध्ये किदाम्बी श्रीकांत, सायना नेहवाल व सिंधू हेदेखील वैयक्तिक मोहिमेची सुरुवात करणार आहेत. (वृत्तसंस्था)>२१ पदकांसह भारत तिसºया स्थानीअनुभवी मनोजकुमार (६९), अमित पंघाल (४९) आणि मोहम्मद हसमुद्दीन (५६) १९ वर्षांचा नमन तंवर (९१), आशियाडचा कांस्यविजेता सतीश कुमार (९१ पेक्षा अधिक) यांनी पदकाच्या शर्यतीत स्वत:ला कायम ठेवले. महिलांच्या २५ मीटर पिस्तुल स्पर्धेत सिद्धूने नवा स्पर्धा विक्रम नोंदवताना सुवर्णपदक पटकावले.भारताने आतापर्यंत ११ सुवर्ण, ४ रौप्य व ६ कांस्य पदकांची कमाई केली आहे.>अनसचे कांस्य हुकले, हिमा ४०० मीटर फायनलमध्येमोहम्मद अनस याने ४०० मीटरचा राष्टÑीय विक्रम नोंदविला पण त्याला राष्टÑकुलमध्ये कांस्य पदकाने हुलकावणी दिली. तो चौथ्या स्थानावर राहिला. अनसने ४५.३१ सेकंद वेळ नोंदवित आपल्याच विक्रमात सुधारणा केली. मागच्या वर्षी नवी दिल्लीत इंडियन ग्रॅन्डप्रिक्समध्ये त्याची वेळ ४५.३२ सेकंद होती. १९५८ मध्ये महान धावपटू मिल्खासिंग यांनी राष्टÑकुलच्या ४०० मीटर दौडमध्ये भाग घेत अंतिम फेरी गाठली होती. त्यानंतर हा मान अनसला मिळाला आहे. अनसला प्रयत्न जमेकाचा जेव्हेन फ्रान्सिस याने ४५.०९ सेकंद वेळ नोंदवित व्यर्थ ठरविला. बोट्स्वानाचा इसाक मकवालाने सुवर्ण आणि बाबोलोकी थेबे याने रौप्य जिंकले. हिमा दास महिलांच्या ४०० मीटर दौडमध्ये ५१.५३ सेकंद या वैयक्तिक कामगिरीसह अंतिम फेरीत दाखल झाली. उपांत्य फेरीत ती तिसºया स्थानावर होती. अंतिम फेरीत स्थान मिळविणाºया आठ धावपटूंमध्ये तिने ०.४४ सेकंद वेळ सुधारून सातव्या स्थानावर आली.>सात्विक - अश्विनीची शानदार सुरुवातगोल्ड कोस्ट : सात्विक साईराज रांकिरेड्डी आणि अश्विनी पोनप्पा यांनी आज फक्त २० मिनिटांतच विजय मिळवत २१ व्या राष्ट्रकुल स्पर्धेच्या मिश्र दुहेरी बॅडमिंटन स्पर्धेत दुसºया फेरीत स्थान मिळवले.सात्विक आणि अश्विनी यांनी पहिल्या फेरीत ग्रुनसेच्या स्टुअर्ट हार्डी आणि चोले ली टीसीअर यांना सरळ गेममध्ये २१-९, २१-५ असे पराभूत केले.
CWG 2018: हिना सिद्धूला सुवर्ण, सचिन चौधरीला कांस्य
By लोकमत न्यूज नेटवर्क | Updated: April 11, 2018 04:59 IST