चोडण येथे क्रिकेट स्पर्धा

तिसवाडी : चोडण येथील गोपाळकृष्ण क्रिकेटर्स आयोजित चोडण पंचायत मर्यादित २७ वी टेनिस क्रिकेट स्पर्धा रविवारी (दि. १५) खेराड-चोडण मैदानावर खेळविण्यात येईल. विजेत्यांना ५ हजार व चषक, उपविजेत्यांना ३ हजार व चषक प्रदान करण्यात येईल. याशिवाय उत्कृष्ट गोलंदाज, फलंदाज, अंतिम सामन्यातील सामनावीर यांना वैयक्तिक बक्षिसे देण्यात येतील. बक्षीस वितरणास प्रमुख पाहुणे म्हणून उत्तर-गोवा नेहरू युवा केंद्राचे अध्यक्ष कालीदास घाटवळ उपस्थित रहाणार आहे. इच्छुक स्पर्धकांनी संस्थेचे अध्यक्ष महेश चोडणकर यांच्याशी संपर्क साधावा, असे आवाहन केले आहे.