बुद्धिबळ

मानांकित खेळाडूंची आगेकूच
जिल्हास्तरीय बुद्धिबळ स्पर्धा
नागपूर : नागपूर जिल्हा बुद्धिबळ संघटनेतर्फे सुरेंद्रनगरातील नेबरहूड सेंटरमध्ये आजपासून प्रारंभ झालेल्या ११ वर्षांखालील खेळाडूंच्या बुद्धिबळ स्पर्धेत पहिल्या फेरीत मानांकित खेळाडूंनी सहज आगेकूच केली.
मुलांच्या विभागात अव्वल मानांकित सारांश जेसवानी याने श्लोक चन्नावारचा सहज पराभव केला. दुसऱ्या पटावर दुसऱ्या मानांकित अथर्व भेदेने नवोदित अद्वैत टांकसाळेचा पराभव केला. तिसऱ्या मानांकित मनन डोडेजाने ए. हाडकेविरुद्ध विजय मिळविला तर मयंक रानडेने आर्यन कुंटेचा सहज पराभव केला. मुलींच्या विभागात अव्वल मानांकित नारायणी अदानेने मल्लिका अडवाणीचा पराभव केला. रिद्धी पालोरकरला शरण्या अदानेने बरोबरीत रोखले.
निकाल पहिली फेरी :- सारांश जेसवानी (१) मात श्लोक चन्नावार (०), अद्वैत टांकसाळे (०) पराभूत विरुद्ध अथर्व भेदे (१), मनन डोडेजा (१) मात ए. हाडके (०), आर्यन कुंटे (०) पराभूत विरुद्ध मयंक रानडे (१), देवांग पटेल (१) मात आयुष सरायकर (०), हर्षित चांडक (०) पराभूत विरुद्ध क्षितिज जोशी (१), अर्णव खेर्डेकर (१) मात ध्रुव अग्रवाल (०), यश (०) पराभूत विरुद्ध पार्थ लोणकर (१), हर्ष भुतडा (१) मात क्षितिज मुदलियार (०), पार्थ देशपांडे (०) पराभूत विरुद्ध रुद्राक्ष श्रीवास्तव (१).
मुली :- नारायणी अदाने (१) मात मालविका अडवाणी (०), रिद्दी पालोरकर (०.५) बरोबरी शरण्या अदाने (०.५), आशी दलाल (०) पराभूत विरुद्ध साक्षी लांजेवार (१), तेजस्वी भोसले (०) पराभूत विरुद्ध दिव्या टावरी (१) कृष्णा (१) मात यशस्वी भोसले (०).