ऑनलाइन लोकमत -
हैदराबाद. दि. २३ - किंग्ज इलेवन पंजाबने सनरायझर्स हैदराबादसमोर जिंकण्यासाठी 145 धावांच लक्ष्य ठेवलं आहे. सनरायझर्स हैदराबादने टॉस जिंकून गोलंदाजीचा निर्णय घेतला होता. किंग्ज इलेवन पंजाबचा कोणताच फलंदाज मोठी धावसंख्या उभारु शकला नाही. शॉन मार्शने सर्वात जास्त 40 धावा केल्या.
पंजाबच्या फलंदाजांना गेल्या काही सामन्यात कामगिरीत सातत्य राखता आलेले नाही. गुणतालिकेत तळाच्या स्थानावर असलेला किंग्ज इलेव्हन विजय मिळवण्यास उत्सुक आहे. तर दुसरीकडे सलग दोन लढतींमध्ये विजय मिळवणारा सनरायझर्स हैदराबाद विजयाची घोडदौड कायम ठेवण्याचा प्रयत्न करेल.
हैदराबादच्या गोलंदाजांनी चांगली गोलंदाजी करत किंग्ज इलेवन पंजाबच्या मोठी धावसंख्या उभारण्यापासून रोखलं. मुस्तफीजूर रहमान आणि मोइजेस हेन्रिक्सने प्रत्येकी 2 विकेट्स घेतल्या तर भुवनेश्वरने एक विकेट घेतली.