मनोर : मनोर विक्रमगड राज्य मार्गावर वेडगेपाडा पाड्याजवळ नागमोडी वळणावर मॅजिक व मोटर सायकल अपघातात एका तरुणांचा मृत्यू झाला तर दोघे गंभीर जखमी झाल्याची घटना बुधवारी संध्याकाळी घडली असून जखमीला रुग्णालयात हलविण्यात आले आहे. यापूर्वी त्याच जागेवर अपघातामध्ये एक पोलिसाने आपला जीव गमावला होता. मात्र, सार्वजनिक बांधकाम विभागाकडून त्या ठिकाणी कोणतेही चिन्ह लावण्यात येत नाही.नालसेत येथे रहाणारे सोमनाथ कोंड्या भंडारी (२८) व सुरेश विष्णू पाडेकर (४२) व गौतम दत्तू जाधव (२०) हे आपल्या मित्रांच्या घरी जाऊन निरोप देऊन परत येतांना काल संध्याकाळी मनोर विक्र मगड राज्यमार्गावर वेडगेपाडा जवळ नागमोडी वळणावर मॅजिक व मोटरसायकलची समोरासमोर टक्कर झाली. त्यामध्ये सोमनाथ यांना गंभीर दुखापत होऊन निधन झाले तर त्यांच्या सोबत असलेला गौतम जाधव व सुरेश पाडेकर गंभीर जखमी असून त्यास मुंबई येथे रुग्णालयात उपचारासाठी दाखल केले आहे. मुंबई अहमदाबाद राष्ट्रीय महामार्गा प्रमाणे आता मनोर विक्र मगड राज्य मार्गही अपघाताचा सापळा बनत चालला आहे गेल्या वर्षी त्याच वळणावर बस व टेम्पो अपघात होऊन एका पोलिसाचा मृत्यू झाला होता, असे अनेक अपघात आतापर्यंत वळणावर झाले आहेत. (वार्ताहर)
वेडगेपाडा अपघातात तरुण ठार
By admin | Updated: November 18, 2016 02:22 IST