खारघरमध्ये स्त्रीशक्तीचा जागर

सध्याचे युग इंटरनेटचे आहे. प्रत्येक जण कामात एवढा व्यस्त झाला आहे की जणू जगणे विसरून गेला आहे. संसाराचा गाडा हाकताना

पनवेल : सध्याचे युग इंटरनेटचे आहे. प्रत्येक जण कामात एवढा व्यस्त झाला आहे की जणू जगणे विसरून गेला आहे. संसाराचा गाडा हाकताना स्त्रियांना मोठी कसरत करावी लागते. नोकरी सांभाळून संसार करणे हे एक आव्हान आजच्या स्त्रियांसमोर असते. मात्र हा सर्व ताणतणाव विसरून खारघरमध्ये हजारो स्त्रियांनी एकत्र येऊन नुकताच जागर स्त्रीशक्तीचा हा कार्यक्रम यशस्वी केला. भाजपा महिला मोर्चाच्या अध्यक्ष लीना गरड यांनी या कार्यक्र माचे आयोजन केले होते. खारघरमधील गोखले हायस्कूल मैदानात हा कार्यक्र म पार पडला. कार्यक्र माला माजी खासदार रामशेठ ठाकूर, आमदार प्रशांत ठाकूर हे प्रमुख पाहुणे म्हणून उपस्थित होते. हळदी-कुंकू, वन मिनिट गेम शो, आदी कार्यक्रम पार पडले. यावेळी शुभांगी कांबळे यांनी लकी ड्रॉच्या माध्यमातून दुचाकी जिंकली. धावपळीच्या जीवनात हजारो महिलांनी एकत्र येऊन खऱ्या अर्थाने स्त्री शक्तीचा जागर केल्याचे प्रतिपादन यावेळी आमदार प्रशांत ठाकूर यांनी केले. तर महिलांना निखळ आनंद देण्याच्या उद्देशाने कार्यक्रमाचे आयोजन करण्यात आल्याचे यावेळी गरड यांनी स्पष्ट केले. कार्यक्रमाला उपस्थितांमध्ये खारघर शहर अध्यक्ष ब्रिजेश पटेल, अर्जुन गरड, भाजपा शहर उपाध्यक्ष अमर उपाध्याय, प्रीती मिलिंद ठोकळे, मोना अडवाणी, गीता चौधरी, कुंदा मेंगडे, राजेश पारखे, राजेश धवणे आदींसह हजारो महिला उपस्थित होत्या. (प्रतिनिधी)