महामार्गावरील टेम्पो अपघातात दोन ठार

आयशर टेम्पोची वाहनाला मागून जोरदार धडक बसल्याने समीर अहमद इस्लामअली खान व रजीउल्ला इस्लामअली खान हे ठार झाले आहेत.

पारोळ : मुंबई अहमदाबाद महामार्गावरील सकवार गावाच्या हद्दीतून जाणाऱ्या गुजरात वाहिनीवर आयशर टेम्पोची समोरील वाहनाला मागून जोरदार धडक बसल्याने या टेम्पोतून प्रवास करणारे एस व्ही रोड, सांताक्रुझ येथील समीर अहमद इस्लामअली खान व रजीउल्ला इस्लामअली खान हे ठार झाले आहेत. ११ नोव्हेंबर रोजी २.४५ च्या सुमारास हा टेम्पो, चालक गोविंद आनंदराव दस्तूर हा मयत यांचे फर्निचरचे सामान घेऊन गुजरातकडे निघाला होता. सकवार येथील केळीचा पाडा भागातून जात असताना त्याचा टेम्पो पुढील ट्रकला पाठीमागून धडकला व हा अपघात घडला. चालक फरार झाला असून याची नोंद मांडवी पोलिसांत दाखल झाली आहे. पुढील तपास सहाय्यक पोलीस निरीक्षक ढोणे हे करत आहेत.