पनवेल :पनवेल उपजिल्हा रुग्णालयातील स्टाफ नर्स आणि ब्रदर्स यांनी कामबंद आंदोलन पुकारले आहे.मागील तीन महिन्यांपासून पगार झाला नसल्याने जवळपास 20 कर्मचारी संपावर आहेत.कोविड काळापासून हे कर्मचारी पनवेल उपजिल्हा रुग्णालयात कार्यरत आहेत.
कंत्राटदाराचे कंत्राट नूतनीकरण झाले नसल्याने या कर्मचाऱ्यांना पगार दिलेले नाही. या संपामुळे उपजिल्हा रुग्णालयाच्या कामकाजावर परिणाम होण्याची शक्यता आहे.उपजिल्हा रुग्णालयाचे अधीक्षक डॉ मधुकर पांचाळ यांना याबाबत विचारणा केली असता कर्मचाऱ्यांच्या मागण्यांबाबत वरिष्ठाना पत्रव्यवहार केला असल्याचे सांगितले. कर्मचाऱ्यांच्या कामबंद आंदोलनामुळे इतर उपलब्ध कार्मचाऱ्यांना जादा ड्युटी लावल्याने उपजिल्हा रुग्णालयाच्या कामकाजावर कोणताही परिणाम झाला नसल्याचे सांगितले.