अलिबाग : महाराष्ट्र क्रिकेट असोसिएशनतर्फे आयोजित करण्यात आलेल्या निमंत्रितांच्या राज्यस्तरीय क्रिकेट स्पर्धेसाठी रायगडचा संघ जाहीर करण्यात आला आहे. रायगड संघाच्या कर्णधारपदाची धुरा अमित पाटील यांच्याकडे सोपविण्यात आली आहे.रायगड जिल्हा अजिंक्यपद क्रि केट स्पर्धेतील खेळाडूंची कामगिरी पाहून ६५ जणांचा प्राथमिक संघ निवडण्यात आला होता. १९ व २० मार्च रोजी सिंहगड शिक्षण संस्थेच्या कुसगाव - लोणावळा येथील मैदानावर या खेळाडूंची निवड चाचणी घेण्यात आली. त्यातून २० जणांचा संंघ निवडण्यात आला. रायगडला या स्पर्धेत पाच सामने खेळायचे आहेत. त्यातील पहिल्या दोन सामन्यांसाठी १४ जणांचा अंतिम संघ निवडण्यात आला असल्याचे असोसिएशनचे अध्यक्ष चंद्रकांत मते यांनी सांगितले.रायगडचा संघअमित पाटील (कर्णधार), अक्षय दरेकर, भरत सोलंकी, पुष्कराज चव्हाण, सागर सावंत, तुषार म्हात्रे, रवी सोलंकी (यष्टीरक्षक), असद खान, ऋषिकेश राऊत, रिझवान खान, अक्षय पाटील, प्रणव भिसे, हरीश हुडा, अजिंक्य पाटील. राखीव : हर्षद हलपतराव, सिद्धांत म्हात्रे, आदित्य शिंदे, विनय ठाकूर, गौरव पारंगे, अभिषेक खातू.
राज्यस्तरीय स्पर्धेसाठी रायगडचा संघ जाहीर
By admin | Updated: March 28, 2017 05:15 IST